૨૫૦ થી વધુ વિદ્યાર્થીઓએ વિવિધ ક્ષેત્રોના નિષ્ણાંતો પાસેથી મેળવ્યું અમૂલ્ય માર્ગદર્શન
મોરબીના રાષ્ટ્રીય સ્વયં સેવક સંઘ, મહા વિદ્યાલય વિભાગ દ્વારા સરસ્વતી શિશુ મંદિર, શનાળા ખાતે કારકિર્દી માર્ગદર્શન શિબિર યોજાઈ હતી.જેમાં વિવિધ ક્ષેત્રોના નિષ્ણાતોએ ઉપસ્થિત વિદ્યાર્થીઓને અમૂલ્ય માર્ગદર્શન આપી કારકિર્દી કઈ દિશામાં આગળ ધપાવવી તે અંગે સૂચન કર્યું હતું.
શિબિરમાં કલાસ વન ઓફિસર રાજેશભાઇ માંડલિયાએ વર્તમાન પરિક્ષા પદ્ધતિઓ, ઇન્ટરવ્યૂ ટેકનિક તેમજ યોગ્ય પુસ્તકો અંગે છાત્રોને માર્ગદર્શન આપ્યું હતું. નિવૃત પ્રાધ્યાપક ડો. અનંતભાઈ વશાલીએ શોર્ટ ફોર્મ મેમરી ટેકનિક અને ટાઈમ મેનેજમેન્ટ વિશે માર્ગદર્શન આપ્યું હતું. સંસ્કૃતના વિદ્વાન મેહુલભાઈ આચાર્યએ યોગ, ધ્યાન, પ્રાણાયામ અને આહાર વિશે માહિતી આપી હતી. રાષ્ટ્રીય સ્વયં સેવક સંઘના ગુજરાત પ્રાંતના સહપ્રાંત પ્રચારક મહેશભાઈ જીવાણીએ રાષ્ટ્ પ્રત્યે યુવાનોની જવાબદારી શુ? તે વિષય પર તેમજ રાષ્ટ્ર ભક્તિ વિશે વક્તવ્ય આપ્યું હતું.
આ કાર્યક્રમમાં ૨૫૦ થી વધુ ભાઈઓ બહેનોએ જોડાઈને માર્ગદર્શન મેળવ્યું હતું. કાર્યક્રમના અંતે સરબત, અલ્પાહાર તથા છાત્રો માટે ની જરૂરી સાહિત્યઓની કિટ નું વિતરણ કરવામાં આવ્યું હતું. સફળતા તમારી, સેવા રાષ્ટ્રની એવા શીર્ષક સાથે યોજાયેલા આ કાર્યક્રમમાં વિદ્યાર્થીઓએ હોંશભેર જોડાઈને માર્ગદર્શન મેળવ્યું હતું.
(Latest Gujarati News) સાથે જોડાયેલા રહો અને અન્ય માહિતી મેળવવા માટે અમને Facebook – https://facebook.com/abtakmedia/ અને Twitter – https://twitter.com/abtakmedia પર ફોલો કરો, લાઈક કરો અને શેર કરો. વાંચતા રહો લાખો વાચકોની મનપસંદ અને ગુજરાતની નં.1 “અબતક મીડિયા” પોઝિટીવ ન્યુઝ, ઇન્ફોર્મેટિવ ન્યુઝ વેબસાઇટ www.abtakmedia.com
