એવું માનવામાં આવે છે કે ભાદ્રપદ મહિનાના શુક્લ પક્ષની ચતુર્થી તિથિએ ભગવાન ગણેશનો અવતાર થયો હતો. આ તારીખે દેશભરમાં ગણેશ ચતુર્થીના તહેવારની ઉજવણી કરવામાં આવે છે. ભગવાન ગણેશને આપણે પ્રેમથી બાપ્પા પણ કહેતા હોઈ છીએ. એવી કેટલીક વસ્તુઓ છે જે ભગવાન ગણેશને ખૂબ જ પ્રિય છે. જો તમે ગણેશ ચતુર્થીના દિવસે તે વસ્તુ ઘરે લાવશો તો ઘરમાં સુખ-સમૃદ્ધિ વધે છે અને તમામ પ્રકારના રોગ અને દુ:ખનો નાશ થાય છે. તો ચાલો જાણીએ કઈ વસ્તુ છે જે આજના એટલે કે ગણેશ ચતુર્થીના દિવશે ઘરમાં લાવવી શુભ માનવામાં આવે છે.
જ્યોતિષીઓ શું કહે છે
જ્યોતિષ પંડિત સાથે વાત કરતાં તેઓ જણાવે છે કે ગણેશ ઉત્સવ સપ્ટેમ્બરથી શરૂ થવા જઈ રહ્યો છે અને તે 10 દિવસ સુધી ચાલશે. 7 સપ્ટેમ્બરે એટલે કે આજે દરેક ઘરમાં બાપ્પાની મૂર્તિની સ્થાપના કરવામાં આવનાર છે. મૂર્તિ સ્થાપિત કરવાનો શુભ સમય સવારે 06:02 થી બપોરે 12:23 સુધીનો રહેશે. આ દિવસે સર્વાર્થ સિદ્ધિ યોગ અને રવિ યોગ પણ રચાઈ રહ્યા છે. કેટલીક એવી વસ્તુઓ છે જેને ગણેશ ચતુર્થીના દિવસે ઘરે લાવવી ખૂબ જ શુભ માનવામાં આવે છે. તેનાથી ઘરની નકારાત્મક ઉર્જા દૂર થાય છે અને સુખ-સમૃદ્ધિ વધે છે.
ગણેશ ચતુર્થી પર આ વસ્તુઓ ઘરે લાવો
ગણેશમુખી શંખ
જ્યોતિષીઓ કહે છે કે ગણેશ ચતુર્થીના દિવસે ગણેશમુખી શંખ ખરીદીને ઘરે લાવો. કારણ કે શંખમાં દેવી લક્ષ્મીનો વાસ છે. ઘરમાં શંખ રાખવાથી આર્થિક સમસ્યાઓ દૂર થશે. શંખમાં ચોખા કે પાણી રાખો.
દુર્વા
ભગવાન ગણેશને દુર્વા ખૂબ જ પ્રિય છે અને તેને પૂજામાં પણ ચઢાવવામાં આવે છે. શ્રી ગણેશ ચતુર્થીના દિવસે દુર્વાને તમારા ઘરની તિજોરીમાં રાખો.
