એર ઇન્ડિયા એક્સપ્રેસ પ્લેનને બોમ્બ ધડાકાની ધમકી
એર ઇન્ડિયા એક્સપ્રેસ પ્લેનને મંગળવારે બોમ્બની ધમકી મળી હતી, ત્યારબાદ તેણે ઉત્તર પ્રદેશના અયોધ્યા એરપોર્ટ પર કટોકટી ઉતરાણ કર્યું હતું.
એક વરિષ્ઠ અધિકારીએ આ માહિતી આપી
એરપોર્ટ ડાયરેક્ટર વિનોદ કુમારે ઈમરજન્સી લેન્ડિંગની પુષ્ટિ કરતા કહ્યું કે પ્લેન જયપુરથી આવી રહ્યું હતું. એરલાઈન અધિકારીઓના જણાવ્યા અનુસાર, સોશિયલ મીડિયા પર એક અનવેરિફાઈડ એકાઉન્ટમાંથી મળેલી ધમકીને કારણે ઈમરજન્સીની સ્થિતિ સર્જાઈ હતી.
unverified સોશિયલ મીડિયા એકાઉન્ટથી ધમકી મળી
એર ઈન્ડિયા એક્સપ્રેસના પ્રવક્તાએ એક નિવેદનમાં જણાવ્યું હતું કે એર ઈન્ડિયા એક્સપ્રેસ અને કેટલાક અન્ય ઓપરેટરોને unverified સોશિયલ મીડિયા એકાઉન્ટમાંથી ધમકી મળી છે. જવાબમાં, સરકાર દ્વારા નિયુક્ત બોમ્બ થ્રેટ એસેસમેન્ટ કમિટીના નિર્દેશ મુજબ સુરક્ષા પ્રોટોકોલ તરત જ સક્રિય કરવામાં આવ્યા હતા. ફ્લાઇટ સુરક્ષિત રીતે ઉતરી ગઈ છે અને તમામ ફરજિયાત સલામતી પ્રક્રિયાઓનું પાલન કર્યા પછી જ એરક્રાફ્ટને ઉડવા માટે મંજૂરી આપવામાં આવશે.
પ્લેનમાં 132 મુસાફરો સવાર હતા
બોઇંગ 737-મેક્સ 8 પ્લેનમાં 132 મુસાફરો સવાર હતા. એરલાઇનના એક અધિકારીના જણાવ્યા અનુસાર, પ્લેન જયપુરથી આવી રહ્યું હતું અને અયોધ્યામાં ટૂંકા સ્ટોપઓવર પછી બેંગલુરુ જઈ રહ્યું હતું. પ્લેન બપોરે 2 વાગ્યે અયોધ્યા એરપોર્ટ પર લેન્ડ થવાનું હતું, પરંતુ તે 2:06 વાગ્યે લેન્ડ થયું હતું.
અધિકારીએ સાંજે 4 વાગ્યે જણાવ્યું કે પહેલા તે બપોરે 2:55 વાગ્યે ઉપડવાનું હતું, પરંતુ હવે તેને ફરીથી 5 વાગ્યે શેડ્યૂલ કરવામાં આવ્યું છે. અયોધ્યા ધામ સ્થિત મહર્ષિ વાલ્મિકી આંતરરાષ્ટ્રીય એરપોર્ટ પર વાણિજ્યિક ઉડાન કામગીરી આ વર્ષની શરૂઆતમાં શરૂ કરવામાં આવી હતી.
