- અમદાવાદમાં સાબરમતી રિવરફ્રન્ટમાં ફરી બોટિંગ સેવા થશે શરુ
- IRS દ્વારા નિરીક્ષણ કરવામાં આવ્યું
- રિપોર્ટ કમિશનરને આપવામાં આવશે અને રિપોર્ટ પર મંજૂરી મળ્યા બાદ અમદાવાદ સાબરમતી રિવરફ્રન્ટ પર પૂરજોશે બોટિંગ સેવા શરૂ કરવામાં આવશે.
અમદાવાદ: શહેરના સાબરમતી રિવરફ્રન્ટ પર અલગ અલગ પ્રકારની એક્ટિવિટી ચાલી રહેતી હોય છે. એવો પણ સમય હતો કે, સહેલાણીઓ ફરવા આવે ત્યારે રિવરફ્રન્ટ પરની એક્ટિવિટીની મજા માણતા હતા. પરંતુ વડોદરામાં હરણીકાંડના કારણે રાજ્યભરમાં નદી કે તળાવમાં ચાલતી બોટીંગ સેવાને તકેદારીના ભાગરૂપે બંધ કરી દેવામાં આવી હતી.
અમદાવાદમાં સાબરમતી રિવરફ્રન્ટ પર ચાલતી બોટિંગની સેવા છેલ્લા ઘણાં સમયથી બંધ કરવામાં આવી હતી. ત્યારે હવે સાબમરતી રિવરફ્રન્ટ પર બોટિંગની મજા માણવા ઇચ્છતા લોકો માટે સારા સમચાર છે. કારણ કે, રિવરફ્રન્ટ ખાતે ફરી બોટિંગ સર્વિસ શરૂ કરવામાં આવશે.
વધુમાં, અમદાવાદ સાબરમતી રિવરફ્રન્ટ પર ફરી બોટીંગ સેવા શરૂ થવા જઈ રહી છે. બોટીંગ સેવા શરૂ કરવા માટે ગતિવિધિઓ અને કામગીરી શરૂ કરવામાં આવી રહી છે. તેમજ અમદાવાદ સાબરમતી રિવરફ્રન્ટ પર કામગીરી શરૂ થઈ ગઈ છે. અમદાવાદ સાબરમતી રિવરફ્રન્ટ પર બોટીંગ સેવા શરૂ કરવા માટે IRS દ્વારા ઇન્સ્પેકસન શરૂ કરાયું છે. સ્થળ નિરીક્ષણ અને બોટીંગ સેફટીને લઇ રીપોર્ટ તૈયાર કરી કમિશનરમાં આપવામાં આવશે. ત્યાર બાદ મંજૂરી મળ્યા બાદ અમદાવાદ સાબરમતી રિવરફ્રન્ટ પર બોટીંગ સેવા શરૂ કરવામાં આવશે.
બોટિંગ રસિયાઓમાં ખુશીની લહેર
તકેદારીના ભાગરૂપે બંધ કરેલ આ બોટિંગ સેવા હવે ટૂંક સમયમાં જ શરૂ થશે. બોટિંગ સેવા શરૂ કરવા માટે જરૂરી ગતિવિધિઓ શરૂ કરી દેવાઈ છે, તેમજ તે અંગેની કામગીરી પણ હાથ પર લેવામાં આવી છે. ખાસ વાત એ છે કે, રિવરફ્રન્ટ પર બોટિંગ શરૂ કરવા માટે IRS દ્વારા ઇન્સ્પેક્શન પણ શરૂ કરી દેવામાં આવ્યું છે. આ ઉપરાંત સ્થળ નિરીક્ષણ અને બોટિંગ સેફટીને લઈને સચોટ રિપોર્ટ તૈયાર કરવામાં આવશે.
બોટનું કરાયું ટેસ્ટિંગ
સાબરમતી રિવરફ્રન્ટ પર બોટનું વજન અને તેની સેફટી લઈને ચેકિંગ કરવામાં આવ્યું છે. તેમજ બોટને સાબરમતી નદીમાં ઉતારીને તેનું ટેસ્ટિંગ કરાયું અને બોટનું ટ્રાયલ કરવામાં આવ્યું. જણાવી દઈએ કે, સુરક્ષાના નિયમોને ધ્યાનમાં રાખીને જ રિપોર્ટ તૈયાર કરવામાં આવ્યો છે. આ રિપોર્ટ કમિશનરને આપવામાં આવશે અને રિપોર્ટ પર મંજૂરી મળ્યા બાદ અમદાવાદ સાબરમતી રિવરફ્રન્ટ પર પૂરજોશે બોટિંગ સેવા શરૂ કરવામાં આવશે.
