જેતપુર-રાજકોટ ધોરી માર્ગ પર આવેલા પેઢલા ગામ પાસે પોરબંદરના ડીવાયએસપીની જીપે બાઈકને હડફેટે લેતા સર્જાયેલા અકસ્માતમાં જેતપુરના પ્રેમગઢ ગામના તળશીભાઈ શામજીભાઈ વામજા નામના બાઈક ચાલકનું ઘટના સ્થળે મોત નિપજયું છે.પોરબંદર તરફથી આવતી પુરપાટ જીપે બાઈકને હડફેટે લેતા ફંગોળાયેલા બાઈક પુલ પરથી નીચે પાણીના ખાડામાં ભટકાતા ચાલકનું ઘટના સ્થળે જ મોત નિપજયું હતું. આ ઘટનાની જાણ થતા જેતપુર તાલુકા પોલીસ મથકનો સ્ટાફ દોડી જઈ ધોરણસરની કાર્યવાહી હાથ ધરી હતી.
