જૂનાગઢ ભાઈના ઘરે માતા પિતાને મૂકી પરત ફરતી વેળાએ સર્જાયો અકસ્માત
જામકંડોરણા નજીક આવેલા દુધીવદર ગામ નજીક ટાટામેજીક હડફેટે જામકંડોરણાના બાઈક ચાલક યુવાનનું મોત નિપજતા તેના પરિવારમાં અરેરાટી મચી જવા પામી છે. આ બનાવઅંગે પોલીસે નોંધ કરી તપાસ હાથ ધરી છે.
પોલીસમાંથી પ્રાપ્ત વિગત મુજબ જામકંડોરણામાં રહેતા હિરેનભાઈ મગનભાઈ કટકપરા નામનો ૪૦ વર્ષના પ્રજાપતિ યુવાન જૂનાગઢથી જામકંડોરણા પોતાનું બાઈક લઈ આવી રહ્યો હતો. ત્યારે દુધીવદર ગામના પાટીયા પાસે જી.જે.૧૧ એકસ ૦૯૭૨ નંબરનાં ટાટા મેજીકના ચાલકે બાઈકને હડફેટે લેતા ગંભીર રીતે ઘવાયેલા હિરેન કટકપરાને સારવાર અથે અહીની સીવીલ હોસ્પિટલમાં દાખલ કરવામાં આવ્યા હતા. જયા સારવાર દરમિયાન મોત નિપજતા તેના પરિવારમાં શોકની લાગણી પ્રસરી છે.
પ્રાથમિક પૂછતાછમાં મૃતક હિરેનભાઈ કટકપરા જૂનાગઢ રહેતા તેના નાનાભાઈના ઘરે માતા પિતાને મૂકી ઘરે પરત આવી રહ્યાહતા ત્યારે ટાટા મેજીકનો ચાલક અકસ્માત સર્જી નાસી ગયોહતો. આબનાવ અંગે પોલીસે નોંધ કરી તપાસ હાથ ધરી છે.
