મહેસાણાના ભાન્ડુ પાસે બાઈક અને ટ્રેલરનો સર્જાયો અકસ્માત

• મહેસાણાના માર્ગ અકસ્માતમાં યુવકના મોત પછી ભારેલો અગ્નિ, અનેક વાહનોને આગચંપી
• અકસ્માત સર્જાતા સ્થળ પરના ટોળાનો આક્રોશ
• અકસ્માત બાદ બાઈકો તેમજ એક ટ્રેક્ટરને અજાણ્યા ટોળા દ્વારા લગાવવામાં આવી આગ

Mehsana  :  ગુજરાતના મહેસાણામાંથી ચોંકાવનારી ઘટના સામે આવી છે. મહેસાણાના ભાન્ડુ પાસે  એક અકસ્માત સર્જાયો હતો. બાઈક અને ટ્રેલરનો અકસ્માત સર્જાયો હતો. જેમાં ડમ્પરની અડફેટે એક યુવાનનું ઘટનાસ્થળે મોત નિપજ્યું હતું. તેમજ અકસ્માત બાદ ત્યાં હાજર ટોળું ઉશ્કેરાઈ ગયું અને બબાલ કરી હતી. જેમાં તોડફોડ અને આગ ચંપીની ઘટના સામે આવી હતી.

શું હતો સમગ્ર બનાવ?

મહેસાણાના ભાન્ડુ વિસ્તારમાં ડમ્પરે એક યુવાનને અડફેટે લેતા અકસ્માત સર્જાયો હતો. ત્યારે આ અકસ્માત એટલો ગંભીર હતો, જેના કારણે યુવકનું ઘટનાસ્થળે જ મોત નિપજ્યું હતું. અકસ્માતમાં યુવકની મોતથી ત્યાં હાજર લોકો રોષે ભરાયા હતાં અને ડમ્પર ચાલક સાથે બબાલ શરૂ કરી દીધી હતી.

યુવકના મોત બાદ ઉશ્કેરાયું ટોળું

યુવકના મોત બાદ મામલો એટલો વધી ગયો કે, ત્યાં હાજર લોકો હિંસા પર ઉતરી આવ્યા હતાં. ત્યારે ઉશ્કેરાયેલા ટોળાએ ત્યાં હાજર બે બાઇક અને ટ્રેક્ટરને આગ લગાવી સળગાવી દીધા હતા. આ ઉપરાંત ત્યાં હાજર અન્ય વાહનોને પણ નુકસાન પહોંચાડવામાં આવ્યું હતું.

મળતી માહિતી દરમિયાન નોંધનીય છે કે, અકસ્માતમાં મૃતક વ્યક્તિ કે હિંસક ટોળાની ઓળખ થઈ શકી નથી. જો કે, આ હિંસક દ્રશ્ય દરમિયાન કોઈ જાનહાનિની ઘટના સામે આવી નથી. પરંતુ, ત્યાં હાજર માલ-સામાનને મોટા પ્રમાણમાં નુકસાન પહોંચાડવામાં આવ્યું છે.

અહેવાલ: કિશોર ગુપ્તા