- IPL 2024ના એક દિવસ પહેલા ચેન્નાઈ સુપર કિંગ્સે તેના નવા કેપ્ટનની જાહેરાત કરી હતી. અનુભવી મહેન્દ્ર સિંહ ધોનીને બદલે ઓપનર ઋતુરાજ ગાયકવાડ IPLની આગામી સિઝનમાં CSKની કમાન સંભાળશે.
Cricket News : IPL 2024ના એક દિવસ પહેલા ચેન્નાઈ સુપર કિંગ્સે મોટો નિર્ણય લીધો છે. CSKએ ટીમનો કેપ્ટન બદલ્યો છે. મહેન્દ્ર સિંહ ધોનીના સ્થાને ઓપનર ઋતુરાજ ગાયકવાડ IPLની 17મી સિઝનમાં CSKની કમાન સંભાળશે. IPLના સત્તાવાર સોશિયલ મીડિયા હેન્ડલ પરથી આ વાતની પુષ્ટિ કરવામાં આવી છે.
ઓપનર ઋતુરાજ ગાયકવાડ CSKનો નવો કેપ્ટન બન્યો
એમએસ ધોનીની કપ્તાનીમાં CSKએ રેકોર્ડ 5 વખત IPLનો ખિતાબ જીત્યો છે. ધોનીએ 2022 પહેલા CSKની કેપ્ટનશીપ છોડી દીધી હતી. જ્યારે ફ્રેન્ચાઇઝીએ રવિન્દ્ર જાડેજાને કેપ્ટન બનાવ્યો હતો, પરંતુ જડ્ડુના નેતૃત્વમાં સીએસકે સતત ઘણી મેચ હારી હતી, ત્યારબાદ ટૂર્નામેન્ટની વચ્ચે ધોનીને ફરીથી કેપ્ટન બનાવવામાં આવ્યો હતો.
ગાયકવાડ ઘણી સીઝનથી CSK માટે રમી રહ્યો છે.
IPL 2024 શુક્રવાર (22 માર્ચ)થી શરૂ થઈ રહ્યું છે. ઓપનિંગ મેચના એક દિવસ પહેલા, CSKએ ચેન્નાઈમાં આયોજિત પ્રી-આઈપીએલ કેપ્ટન્સ કોન્ક્લેવમાં ઋતુરાજ ગાયકવાડને કેપ્ટન તરીકે રજૂ કર્યો હતો. સીએસકેમાં આ ફેરફાર અચાનક થયો છે. કોઈને આની અપેક્ષા નહોતી. જોકે ધોની હંમેશા આશ્ચર્યજનક નિર્ણયો લેતો આવ્યો છે. ફરી એકવાર ધોનીએ અચાનક કેપ્ટનશીપ છોડીને બધાને ચોંકાવી દીધા.
