ભાયાવદર સમાચાર
ભાયાવદર શહેર ભાજપ ટીમ દ્વારા ભાયાવદર શહેરના લોકોના જુદા જુદા પ્રશ્નો બાબતે નગરપાલિકા કચેરી ખાતે અચાનક મુલાકાત લેવામાં આવી હતી . અડધાથી વધારે કર્મચારીઓ ગેરહાજર હતા. ભાયાવદર શહેરના જુદા જુદા પ્રશ્નો અંગે રજૂઆત કરી હતી. જેમાં સ્વચ્છતા અંગે. ભૂગર્ભ ગટરના ઢાંકણા અંગે. રોડ રસ્તા અને નગરપાલિકા કચેરીએ લોકોને નાના નાના કામમાં પણ ધક્કા ખાવા પડે છે અને લોકોને ટલ્લે ચડાવવામાં આવે છે તે અંગે ચીફ ઓફિસર નગરપાલિકા ભાયાવદર અને ધારાસભ્ય મહેન્દ્રભાઈ પાડલીયાને રજૂઆત કરવામાં આવી હતી. જેમાં ઇન્દ્રવિજયસિંહ ચુડાસમા, અતુલભાઇ વાછાણી, સરજુ ભાઈ માકડીયા,દીપકભાઈ મેરાણી, ભગવાનજીભાઈ પરસાણીયા અને શહેર ભાજપના કાર્યકર્તાઓ પણ સાથે હાજર રહ્યા હતા.
