દિવાળીમાં તમારા ઘરને આ રીતે સજાવીને સુંદર બનાવો

દિવાળી હિંદુઓનો ભારતમાં ઉજવવામાં આવતા સૌથી મોટા તહેવારોમાંથી એક છે. ત્યારે દિવાળી પાછળનો હેતુ અંધકાર પર પ્રકાશના વિજયની ઉજવણી કરવાનો અને દેવી લક્ષ્મીનું સ્વાગત કરવાનો છે, તેમજ લક્ષ્મીજી આ તહેવાર દરમિયાન પૂજવામાં આવતા મુખ્ય દેવી છે.

આ 5 દિવસીય દિવાળીની રજામાં સમૃદ્ધિ માટે ઘણી લાઇટ્સ અને ઝગમગતી સજાવટનો સમાવેશ થાય છે. તેમજ દિવાળીની લોકપ્રિય સજાવટમાં માટીના તેલના દીવાઓનો સમાવેશ થાય છે. આ ઉપરાંત મીણબત્તીઓ, ફેરી લાઇટ્સ, રંગોળી, તોરણ, મેરીગોલ્ડ માળા અને ફાનસથી  પણ ડેકોરેશન કરી શકાય  છે.

દિવા :

દિવાએ એક નાનો માટીનો તેલનો દીવો છે અને દિવાળીનું મુખ્ય પ્રતીક છે. આ સાથે દિવા સામાન્ય રીતે માટીના બનેલા હોય છે અને તેમાં કપાસની દિવેટ હોય છે અને તેને પ્રગટાવવામાં મદદ કરવા માટે ઘી અથવા તેલના નાખવામા આવે છે. તેમજ ઘણા દિવા સાદા વેચવામાં આવે છે, પરંતુ  આ દિવા સુંદર પેટર્ન અને રંગોથી રંગી શકાય છે.

હિંદુ ધર્મમાં, દિવો જ્ઞાન અને અંધકાર પર પ્રકાશની પસંદગીનું પ્રતીક છે. તેમજ દીવાઓની રોશનીએ તહેવારોની ઉજવણી અને ધાર્મિક વિધિઓનો એક મહત્વપૂર્ણ ભાગ છે અને આ ફાનસ સમગ્ર શહેરોના ઘરો અને શેરીઓમાં જોય શકાય છે.

રંગોળી

રંગોળી એ એક ડિઝાઇન છે, જે હાથ વડે બનાવવામાં આવે છે અને રંગબેરંગી સામગ્રી જેમ કે રંગીન ચોખા, લોટ, રેતી અથવા ફૂલોનો ઉપયોગ કરીને જમીન પર બનાવવામાં આવે છે. તેમજ રંગોળી સજાવવાનો મુખ્ય હેતુ લક્ષ્મીને અને મહેમાનોને  ઘરમાં આવકારવાનો છે. રંગોળી બનાવવીએ મોટાભાગે ઘરની મહિલાઓનું કામ હોય છે. આ સાથે રંગોળી ડિઝાઇન એક પેઢીથી બીજી પેઢી સુધી પરિવારો દ્વારા આગળ વધારવામાં આવે છે.

દિવાળી પર, દેવી લક્ષ્મીનું સ્વાગત કરવા માટે ઘરોના પ્રવેશદ્વાર પર રંગોળી બનાવવામાં આવે છે,  આ સજાવટનો  મુખ્ય હેતુ ઘરમા શક્તિ અને સમૃદ્ધિ લાવવાનો છે. તેમજ ડિઝાઇનો ઘણીવાર પરંપરાઓ, લોકકથાઓ અને પ્રથાઓને પ્રતિબિંબિત કરે છે જે ભારતના દરેક ક્ષેત્ર માટે અનન્ય છે.

મીણબત્તીઓ

દિવાળીના મુખ્ય કેન્દ્રોમાંનું એક રાત્રિ દરમિયાન પ્રકાશનું સર્જન છે. તેમજ ફાનસ અને દીવાઓથી ઘરો અને વ્યવસાયોને શણગારવા લાઈટ ઉપરાંત, ઘરની અંદર મીણબત્તીઓનો પણ ઉપયોગ કરવામાં આવે છે. આ સાથે મીણબત્તીઓ ઘણીવાર લાંબા સમય સુધી પ્રગટે છે અને તેલના ફાનસ કરતાં આ વધુ સુરક્ષિત હોઈ શકે છે.

હિન્દુઓ માટે, ઘરના ખૂણામાં મીણબત્તીઓ પ્રગટાવવીએ અંધકાર અને અજ્ઞાનતાનો નાશ કરવાનું પ્રતીક છે. તેમજ દિવાળીની આસપાસ, લક્ષ્મી અને ગણેશ જેવા દેવતાઓની છબીઓથી સુશોભિત બજારોમાં ખાસ મીણબત્તીઓ પણ વેચાય છે.

સુગંધિત મીણબત્તીઓ દિવાળી દરમિયાન ખૂબ જ લોકપ્રિય છે કારણ કે તે દીવાના કદ જેટલી હોય છે અને લાંબો સમય સુધી બળી શકે છે. તેમજ ગુલાબ, કમળના ફૂલો અને સૂર્યમુખીના આકારમાં મીણબત્તીઓ પણ બજારમાં જોવા મળે છે.

સ્ટ્રીંગ લાઈટ્સ

સ્ટ્રીંગ લાઇટ્સ અથવા ક્રિસમસ લાઇટ્સ એ દિવાળીની એકદમ આધુનિક સજાવટ છે. દરેક વ્યક્તિ પાસે અનેક મીણબત્તીઓ અથવા દીવાઓથી પોતાના ઘરને સજાવવા માટે સમય અને શક્તિ હોતી નથી અને ઇલેક્ટ્રિક લાઇટ્સ પણ ઘણી સુરક્ષિત હોય છે અને ચિંતા કર્યા વિના આખી રાત તેને સળગતી છોડી શકાય છે.

દિવાળી માટે ઇલેક્ટ્રીક લાઇટનો ઉપયોગ કરવાની એક ભવ્ય રીત એ છે કે તેના પડદા બનાવવા. તેમજ આ વિન્ડોની ઉપર લાઇટની થોડી સેર ટેપ કરીને અને તેમને સળંગ નીચે લટકાવીને કરી શકાય છે.

દિવાળી તોરણ

તોરણ, જેને બંધનબાર તરીકે પણ ઓળખવામાં આવે છે, તેમજ  તે દરવાજાને સુશોભિત કરવા લટકાવવામાં આવે છે. જેનો ઉપયોગ દિવાળી દરમિયાન થાય છે અને સામાન્ય રીતે ઘરના મુખ્ય પ્રવેશદ્વાર પર મૂકવામાં આવે છે. આ સજાવટનો હેતુ મહેમાનો અને ખાસ કરીને દેવી લક્ષ્મીનું સ્વાગત કરવાનો છે, જેથી તે પરિવારને સુખ અને સમૃદ્ધિના આશીર્વાદ આપી શકે.

તોરણ સામાન્ય રીતે મેરીગોલ્ડના ફૂલો અને આસોપાલવમાંથી બનાવવામાં આવે છે અને તેમાં લીલો, પીળો અને લાલ જેવા રંગો હોઈ શકે છે. તેમજ તોરણ કાપડ અથવા ધાતુના બનેલા પણ હોય છે જે આસોપાલવના પાન જેવું લાગે છે.

તોરણ બનાવવા માટે સામાન્ય રીતે આસોપાલવના અથવા અન્ય પાંદડાઓનો ઉપયોગ કરવામાં આવે છે કારણ કે તે લક્ષ્મીનું પ્રતિનિધિત્વ કરે છે અને નકારાત્મક ઊર્જાને દૂર રાખે છે. આ ઉપરાંત પાંદડાનો લીલો રંગ તેના શાંત સ્વભાવ અને ચિંતા અને તનાવથી ઘરને મુક્ત કરવાની ક્ષમતાને ધરાવે છે, તેથી તોરણોમાં લીલા પાંદડાઓનો ઉપયોગ થાય છે.