દૂધનો દાઝ્યો, છાસ પણ ફૂંકીને પીવે
જાહેર ક્ષેત્રની બેંકો માટે લોન ડિફોલ્ટરો શિરદર્દ બનતા અંતે લેવાયો મહત્વનો નિર્ણય
દૂધના દાઝ્યા, છાસ પણ ફૂંકીને પીવે…આ કહેવત બેંકો માટે સાચી પડી રહી છે. કારણકે હવે બેંકોએ ભૂતકાળના ડિફોલ્ટરોને ફરી લોન આપવા ગુપ્તચર એજન્સી પાસે તપાસ કરાવવાનો નિર્ણય લીધો છે. ભૂતકાળમાં ડિફોલ્ટ કરનારા દેવાદારોના કિસ્સામાં બેંકો હવે લોન ચક્રના વિવિધ તબક્કામાં તેમના ઇનપુટ માટે ગુપ્તચર એજન્સીઓની મદદ લેશે. સરકાર દ્વારા સમર્થિત આ પગલાનો હેતુ બેંકોને સમયસર માહિતી સાથે સજ્જ કરવાનો છે.
જેથી સમયસર ફંડ ડાયવર્ઝનને અડચણરૂપ કોઈપણ છેતરપિંડી અટકાવી શકાય.બેંકો, નાણા મંત્રાલય અને અન્ય તપાસ એજન્સીઓ વચ્ચે છેલ્લા બે મહિનામાં યોજાયેલી શ્રેણીબદ્ધ બેઠકોમાં, એવું નક્કી કરવામાં આવ્યું હતું કે ધિરાણકર્તાઓ ઇન્ટેલિજન્સ ઇનપુટ્સ મેળવશે અને સેન્ટ્રલ ઇકોનોમિક ઇન્ટેલિજન્સ બ્યુરો અથવા સીઇઆઈબીને ઇનપુટ્સ પર ત્રિમાસિક પ્રતિસાદ પણ આપશે. એક વરિષ્ઠ બેંક એક્ઝિક્યુટિવે જણાવ્યું હતું કે, ઘટનાક્રમથી વાકેફ છે. અમે ટૂંક સમયમાં બેન્ચમાર્ક લોનની રકમ પર કામ કરીશું જેના માટે સીઇઆઈબી રિપોર્ટ માંગવામાં આવશે અને ત્રિમાસિક પ્રતિસાદ આપવા માટેની માર્ગદર્શિકા પણ પ્રસિદ્ધ કરવામાં આવશે.
અન્ય એક બેન્કરે નામ ન આપવાની શરતે જણાવ્યું હતું કે આનાથી બેન્કોને સમયસર તેમના લોન પોર્ટફોલિયો પર વધુ પ્રણાલીગત અને વ્યાપક તપાસ કરવામાં મદદ મળશે. આનાથી તેમને સમયસર લોનની સમસ્યાને સારી રીતે ઓળખવામાં મદદ મળશે.આરબીઆઈ ખાનગી ક્ષેત્રની બેંકો દ્વારા નોંધવામાં આવેલી છેતરપિંડીઓની સંખ્યા મુખ્યત્વે નાના-મૂલ્યના કાર્ડ/ઇન્ટરનેટ છેતરપિંડીઓના કારણે હતી, જ્યારે જાહેર ક્ષેત્રની બેંકો દ્વારા નોંધવામાં આવેલી છેતરપિંડીની રકમ મુખ્યત્વે લોન પોર્ટફોલિયોમાં હતી.
