કરોડો હિંદુઓની આસ્થાના પ્રતિક અને હજુ એકવર્ષ પહેલા અને 500 વર્ષની તપશ્ચર્યા બાદ નિર્માણ પામેલા અયોધ્યાના સુપ્રસિદ્ધ રામ મંદિરને બો*મ્બથી ઉડાવી દેવાની ધમકી મળી છે. ધમકી ભરેલો ઈમેલ રામ મંદિર ટ્રસ્ટને મળ્યો છે. જેમા રામ મંદિરને ઉડાવી દેવાની ધમકી આપવામાં આવી છે.
ઉત્તર પ્રદેશના અયોધ્યા ખાતે આવેલા રામ મંદિરને ઉડાવી દેવાની ધમકી આપવામાં આવતા ખળભળાટ મચી ગયો છે, શ્રી રામ મંદિર ટ્રસ્ટનને એક ધમકીભર્યો ઈ-મેલ મળ્યો છે, જેમાં રામ મંદિરને બો*મ્બથી ઉડાવી દેવાની ધમકી આપવામાં આવી છે. જોકે, હજુ સુધી આ મામલે કોઈ સત્તાવાર નિવેદન સામે આવ્યું નથી. મીડિયા રિપોર્ટ્સ અનુસાર, આ ઘટનાએ સ્થાનિક અને રાષ્ટ્રીય સ્તરે ખળભળાટ મચાવી દીધો છે. આ મામલે સુરક્ષા એજન્સીઓએ તાત્કાલિક તપાસ શરૂ કરી દીધી છે.
શું છે સમગ્ર મામલો
મીડિયા રિપોર્ટ્સ અનુસાર, 14 એપ્રિલ, 2025ના રોજ શ્રી રામ મંદિર ટ્રસ્ટને એક અજાણ્યા સ્ત્રોત તરફથી ધમકીભર્યો ઈ-મેલ મળ્યો હતો, જેમાં રામ મંદિરને બોમ્બથી ઉડાવી દેવાની ધમકી આપવામાં આવી છે. એવું પણ કહેવામાં આવી રહ્યું છે કે આ ઈ-મેલ બાદ ટ્રસ્ટે તરત જ સ્થાનિક પોલીસ અને ઉચ્ચ અધિકારીઓને આ અંગે જાણ કરી હતી. સમાચાર મળતા જ ઉત્તર પ્રદેશ પોલીસ, એન્ટી-ટેરર સ્ક્વોડ (ATS), અને અન્ય સુરક્ષા એજન્સીઓએ તપાસ શરૂ કરી હતી.
ઉત્તર પ્રદેશના અયોધ્યામાં રામ મંદિર ટ્રસ્ટ સહિત અનેક જિલ્લાઓના જિલ્લા મેજિસ્ટ્રેટને ધમકીભર્યા ઇમેઇલ મળ્યા છે. ગયા સોમવારે રાત્રે રામ જન્મભૂમિ ટ્રસ્ટના મેઇલ પર ધમકીભર્યો ઇમેઇલ મળ્યો હતો. તેમાં લખ્યું હતું- મંદિરની સુરક્ષા વધારી લો. જે બાદ અયોધ્યાના સાયબર પોલીસ સ્ટેશનમાં FIR દાખલ કરવામાં આવી હતી.
ધમકીભર્યો મેઇલ મળ્યા બાદ, મોટા પાયે સર્ચ ઓપરેશન શરૂ કરવામાં આવ્યું હતું. અયોધ્યાની સાથે, બારાબંકી અને ચંદૌલી સહિત અન્ય ઘણા જિલ્લાઓના જિલ્લા મેજિસ્ટ્રેટને પણ ધમકીભર્યા મેઇલ મળ્યા છે. બારાબંકી અને ચંદૌલીના જિલ્લા મેજિસ્ટ્રેટને બોમ્બથી ઉડાવી દેવાની ધમકી આપતા મેઇલ મળ્યા છે. મળતી માહિતી અનુસાર, અયોધ્યા અને અન્ય જિલ્લાઓને ધમકીભર્યો મેઇલ તમિલનાડુથી આવ્યો હતો. સાયબર સેલ આ બધા ઇમેલ્સની તપાસ કરી રહ્યું છે.
બો*મ્બની ધમકીથી ચંદૌલી કલેક્ટર કચેરીમાં ભયનો માહોલ
ચંદૌલી જિલ્લા મેજિસ્ટ્રેટના સત્તાવાર મેઇલ આઈડી પર ચંદૌલી કલેક્ટર ઓફિસને બોમ્બથી ઉડાવી દેવાની ધમકીભર્યો મેઇલ મળ્યો હતો. આ મેઇલ તમિલનાડુના રહેવાસી ગોપાલ સ્વામી નામના વ્યક્તિ દ્વારા મોકલવામાં આવ્યો હતો. કલેક્ટર કચેરીને ઉડાવી દેવાનો ધમકીભર્યો મેઇલ મળ્યા બાદ, તમામ સુરક્ષા એજન્સીઓ તાત્કાલિક અસરથી સક્રિય થઈ ગઈ. તાત્કાલિક પ્રભાવથી પોલીસ દળ અને બો*મ્બ સ્ક્વોડ ટીમને બોલાવવામાં આવી અને સમગ્ર તપાસ કરવામાં આવી. પરંતુ રાહતની વાત એ હતી કે શોધખોળ દરમિયાન કોઈ વિસ્ફોટક કે અન્ય કોઈ શંકાસ્પદ સામગ્રી મળી ન હતી. ત્યારે કલેક્ટર કચેરીના તમામ અધિકારીઓ અને કર્મચારીઓએ રાહતનો શ્વાસ લીધો.
