મહિલા ક્રિકેટના પ્રથમ ટેસ્ટમાં જંગી લીડ સામે ઓસ્ટ્રેલિયા કચડાઈ જશે ? ત્યારે ભારતીય મહિલા બેટ્સમેના પ્રદર્શન બાદ મહિલા બોલર દીપ્તિ શર્મા અને પૂજા વસ્ત્રકર દ્વારા બાજી સંભાળવામાં આવી હતી અને 102 રનની ભાગીદારી નોંધાવી હતી અને ઓસ્ટ્રેલિયાને 187 રનની લીડ આપી હતી. ઓસ્ટ્રેલિયાની શરૂઆત પણ નબળી રહી હતી ત્યાર બાદ હાલ તહલિયા મેકગ્રા 46 રન સાથે ક્રીઝ પર રમી રહી છે અને ઓસ્ટ્રેલિયા હાલ લીડ થી 31 રન પાછળ છે. હાલ ઓસ્ટ્રેલિયાની 3 વિકેટ પડી ગઈ છે જેમાં ભારત તરફથી સ્નેહ રાણાએ 2 વિકેટ ઝડપી હતી. અને બેથ મુનિ 33 રને રનઆઉટ થઈ હતી.
તહલિયા મેગ્રાએ ઓસ્ટ્રેલિયાની બાજી સંભાળી : સ્નેહ રાણાએ ઝડપી 2 વિકેટ
દીપ્તિ શર્મા અને પૂજા વસ્ત્રાકરની શાનદાર બેટિંગથી ભારતીય મહિલા ટીમે ઓસ્ટ્રેલિયા સામેની વન-ઑફ ટેસ્ટના બીજા દિવસે 157 રનની લીડ મેળવી લીધી છે અને બંને વચ્ચે 102 રનની અતૂટ ભાગીદારી થઈ હતી. ઓસ્ટ્રેલિયાના 219 રનના જવાબમાં ભારતે બીજા દિવસની રમતના અંતે સાત વિકેટે 376 રન બનાવ્યા હતા. ચાર ભારતીય બેટ્સમેનોએ અડધી સદી ફટકારી હતી.
જ્યારે ભારતે 14 રનની અંદર ચાર વિકેટ ગુમાવી દીધી ત્યારે દીપ્તિ અને વસ્ત્રાકરે જવાબદારી સંભાળી હતી. ઓસ્ટ્રેલિયાએ આઠ બોલરોનો ઉપયોગ કર્યો હતો પરંતુ માત્ર ઓફ સ્પિનર એશ્લે ગાર્ડનરને અસર કરી શક્યું હતું. વિમેન્સ એશિઝ ટેસ્ટમાં આઠ વિકેટ લેનાર ગાર્ડનરે ભારતીય બેટ્સમેનોને સતત પરેશાન કર્યા હતા અને સારી લાઇન અને લેન્થ બોલિંગ કરીને મહત્વની વિકેટો લીધી હતી.
ભારતીય મહિલાઓ દ્વારા જે લીડ આપવામાં આવી હતી તે લીડ ને પરીપૂર્ણ કર્યા બાદ ઓસ્ટ્રેલિયાની ટીમ ભારતીય મહિલાઓને કેટલા રન જીતવા માટે આપશે તે આવનારો સમય જણાવશે પરંતુ હાલ જે રીતે મેચ ચાલી રહ્યો છે તેને જોતાં અત્યારે ભારતીય મહિલાઓનો દબદબો જોવા મળે છે.
