ન્યુયોર્કમાં મોદીનું ભારતીયો દ્વારા ભવ્ય સ્વાગત : એક પછી એક વિવિધ ક્ષેત્રના નિષ્ણાંતો સાથે મોદીની બેઠકોનો દૌર ચાલ્યો
મોદીએ અમેરિકામાં પગ મુકતા જ સામાજિક, રાજકીય અને આર્થિક માંધાતાઓએ ગુફ્તગુ કરી હતી. ન્યુયોર્કમાં મોદીનું ભારતીયો દ્વારા ભવ્ય સ્વાગત કરવામાં આવ્યું હતું. ત્યારબાદ એક પછી એક વિવિધ ક્ષેત્રના નિષ્ણાંતો સાથે મોદીની બેઠકોનો દૌર ચાલ્યો હતો.
વડાપ્રધાન નરેન્દ્ર મોદી લોટે ન્યૂયોર્ક પેલેસ હોટલ પહોંચ્યા બાદ ત્યાં રાહ જોઈ રહેલા ભારતીય સમુદાય દ્વારા તેમનું સ્વાગત કરવામાં આવ્યું હતું. પીએમ મોદી ભારતીય સમય અનુસાર રાત્રે લગભગ 8:30 વાગ્યે ન્યૂયોર્ક એરપોર્ટ પર ઉતર્યા, જ્યાં તેમનું ઉષ્માભર્યું સ્વાગત કરવામાં આવ્યું. આ પછી પીએમ મોદી એરપોર્ટની બહાર ભારતીય સમુદાયના લોકોને મળ્યા હતા. આ દરમિયાન લોકોએ મોદી-મોદીના નારા લગાવ્યા હતા.
લોટે ન્યૂયોર્ક પેલેસમાં વડાપ્રધાન નરેન્દ્ર મોદી ઘણા દિગ્ગજોને મળ્યા હતા. આ દરમિયાન તેની મુલાકાત ઈલોન મસ્ક સાથે થઈ હતી. . લોટ્ટે ન્યૂયોર્ક પેલેસમાં પીએમ મોદી સીઈઓ, નોબેલ પુરસ્કાર વિજેતા, અર્થશાસ્ત્રીઓ, કલાકારો, વિદ્વાનો, ઉદ્યોગસાહસિકો, શિક્ષણવિદો, આરોગ્ય ક્ષેત્રના નિષ્ણાતોને એક પછી એક મળ્યા હતા. પીએમ મોદીએ ન્યૂયોર્કમાં બ્રિજવોટર એસોસિએટ્સના સહ-સ્થાપક રે ડાલિયો સાથે મુલાકાત કરી. આ દરમિયાન આર્થિક વિકાસને પ્રોત્સાહન આપવા માટે કરવામાં આવેલા સુધારાની ચર્ચા કરવામાં આવી હતી.
પીએમ મોદીને મળ્યા બાદ પેન્સિલવેનિયા સ્ટેટ યુનિવર્સિટીના પ્રેસિડેન્ટ નીલી બેંદાપુડીએ કહ્યું, “તે અતુલ્ય મીટિંગ હતી. વડા પ્રધાન સાથે બેસીને ભારત અને યુનાઇટેડ સ્ટેટ્સ ઑફ અમેરિકા, આ બે મહાન લોકશાહીઓ સાથે મળીને કેવી રીતે કામ કરી શકે છે તે અંગેનું તેમનું વિઝન સાંભળવાની તક મળી તે ખરેખર પ્રેરણાદાયક છે. વડા પ્રધાન નરેન્દ્ર મોદી આરોગ્ય નિષ્ણાત જૂથોના સભ્યોને પણ મળ્યા હતા.
ન્યુયોર્કમાં પીએમ મોદીને મળ્યા બાદ પ્રોફેસર રતન લાલે કહ્યું, “તે એક શાનદાર મીટિંગ હતી, તેમણે અમે ભારતીય હોવા પર ગર્વ અનુભવ્યો છે. આબોહવા પરિવર્તન માટે કૃષિ કઈ રીતે ઉકેલ બની શકે તેની ચર્ચા કરી. અમને આશા છે કે પીએમ મોદીની નીતિ દ્વારા અમને ભારતની સેવા કરવાની તક મળશે.
કાલે મોદી અમેરિકી કોંગ્રેસની સંયુક્ત બેઠકને સંબોધશે, જો બિડેન સાથે વાઈટહાઉસમાં ડિનર લેશે
હવે આવતીકાલે જો બિડેન અને જીલ બિડેન 21 તોપોની સલામી વચ્ચે વડાપ્રધાનનું સ્વાગત કરશે. ઐતિહાસિક મુલાકાત દરમિયાન વોશિંગ્ટન ડીસીમાં વ્હાઇટ હાઉસના દક્ષિણ લૉન પર ભવ્ય સ્વાગત કરવામાં આવશે. આ જગ્યાએ માત્ર રાત્રે જ સ્ટેટ ડિનર થશે. જેને જો બિડેન અને તેની પત્ની હોસ્ટ કરશે. આમાં 7000થી વધુ ભારતીય અમેરિકનો ભાગ લઈ શકશે. ઉપરાંત વડાપ્રધાન અમેરિકી કોંગ્રેસની સંયુક્ત બેઠકને સંબોધશે. તેમને હાઉસ ઓફ રિપ્રેઝન્ટેટિવ્સના સ્પીકર કેવિન મેકકાર્થી અને સેનેટ લીડર ચાર્લ્સ શૂમર સહિત યુએસ કોંગ્રેસના નેતાઓ દ્વારા આમંત્રણ આપવામાં આવ્યું છે. ત્યારબાદ 23મીએ ઉપરાષ્ટ્રપતિ કમલા હેરિસ અને સેક્રેટરી ઓફ સ્ટેટ એન્ટની બ્લિંકન પીએમ મોદી સાથે સ્ટેટ ડિપાર્ટમેન્ટના ફોગી બોટમ હેડક્વાર્ટરમાં લંચ લેશે.
ભારત અમેરિકાનું મહત્વપૂર્ણ વ્યૂહાત્મક ભાગીદાર બનશેઃ વ્હાઇટ હાઉસ
વ્હાઇટ હાઉસે એક નિવેદનમાં કહ્યું છે કે આગામી દાયકાઓમાં ભારત અમેરિકાનું મહત્ત્વપૂર્ણ વ્યૂહાત્મક ભાગીદાર બનશે અને વડાપ્રધાન નરેન્દ્ર મોદીની અમેરિકાની રાજ્ય મુલાકાત બંને દેશો વચ્ચેના ગાઢ અને ગાઢ સંબંધોના અસ્તિત્વની પુષ્ટિ કરે છે. હાલ વડાપ્રધાન મોદી અમેરિકા આવ્યા છે જેને લઈને અમે ઉત્સુક છીએ.
મોદીની આગેવાનીમાં સંયુક્ત રાષ્ટ્રની ઓફિસે 180 દેશના પ્રતિનિધિઓએ કર્યા યોગ
આજે દેશ અને દુનિયામાં યોગ દિવસની ઉજવણી કરવામાં આવી રહી છે. આ પ્રસંગે વડાપ્રધાન નરેન્દ્ર મોદી આજે સંયુક્ત રાષ્ટ્રના મુખ્યાલયમાં યોગ કાર્યક્રમનો ભાગ બન્યા હતા. તેઓની આગેવાનીમાં આજર ભવ્ય યોગ કાર્યક્રમ યોજાયો હતો. જેમાં 170 જેટલા દેશોના પ્રતિનિધિઓ ઉપસ્થિત રહ્યા હતા. આ તમામે વડાપ્રધાન મોદી સાથે યોગ કર્યા હતા.
યોગમાં ભારત કરતા અમેરિકા જરાય પાછળ નથી!
યોગમાં ભારત કરતા અમેરિકા જરા પણ પાછળ નથી. અમેરિકનો દર વર્ષે યોગ વર્ગો, કપડાં, સાધનો અને એસેસરીઝ પર 1.31 લાખ કરોડનો ખર્ચ કરે છે. યોગા જર્નલ અનુસાર, યુ.એસ.માં 12 ટકા એટલે કે 3.60 કરોડ લોકો યોગાભ્યાસ કરે છે. અહીં સૌપ્રથમ યોગનું જ્ઞાન 1883માં સ્વામી વિવેકાનંદ દ્વારા રજૂ કરવામાં આવ્યું હતું. પછી લગભગ એક સદી પહેલા પરમહંસ યોગાનંદ દ્વારા તેનો વ્યાપકપણે પ્રચાર કરવામાં આવ્યો હતો.
હું મોદીજીનો મોટો ચાહક છું : એલન મસ્ક
વિશ્વની સૌથી મોટી ઈલેક્ટ્રિક કાર નિર્માતા કંપની ટેસ્લાના સીઇઓ ઈલોન મસ્ક અને પીએમ મોદીની યુએસમાં મુલાકાત થઈ છે. બંને વચ્ચેની બેઠક બાદ ટેસ્લાની ઈલેક્ટ્રિક કાર ભારતમાં ઉપલબ્ધ થઈ શકે છે.યુએસ ટૂર પર પીએમ મોદી અનેક સેલિબ્રિટીઓને મળ્યા હતા. આ ક્રમમાં પીએમ મોદી અને ટેસ્લાના સીઈઓ ઈલોન મસ્ક પણ મળ્યા હતા. એલન મસ્કે કહ્યું કે મને ખાતરી છે કે ટેસ્લા ભારતમાં હશે આ સાથે તેમણે કહ્યું કે તેઓ પીએમ મોદીનો તેમના સમર્થન માટે આભાર માનવા માંગે છે અને આશા છે કે અમે ભવિષ્યમાં કેટલીક જાહેરાત કરી શકીશું. આ સાથે મસ્કે જણાવ્યું છે કે તે આવતા વર્ષે ભારતની મુલાકાત લઈ શકે છે. ઉપરાંત તેઓએ કહ્યું કે હું મોદીજીનો મોટો ચાહક છું.
