હેમુગઢવી હોલ તેમજ બાલભવન ખાતે સૌરાષ્ટ્રના પ્રદેશકક્ષા કલા મહાકુંભનું આયોજન કરવામાં આવ્યું હતું. જેમાં સ્પર્ધાના બીજા દિવસે ૧૦ વર્ષથી લઈ ૨૦ વર્ષ સુધીની ઉપરના વિદ્યાર્થીઓએ તબલા તેમજ ભજન-ગીતમાં ભાગ લીધો હતો. ભાવનગર, જામનગર, અમરેલી વગેરે જેવા પ્રદેશ તેમજ ગ્રામ્યના વિદ્યાર્થીઓએ સ્પર્ધામાં ભાગ લેવા આવ્યા હતા. આ તકે નિર્ણાયક નિલેશભાઈ પંડયા, ગાંધીનગરથી રાજેશભાઈ મહેણુ તેમજ રાજનભાઈ સોનીએ ગુજરાત સરકારના આ પ્રયાસને બિરદાવ્યો હતો.
