- RNFI કેસ કલેક્શન એજન્સીના કર્મચારી પાસેથી 15 લાખની બેગ ઝૂંટવીને બાઈક સવાર બે શખ્સો ફરાર
- ઈનચાર્જ જીલ્લા પોલીસ વડા સ્મિત ગોહિલ સહિત LCB, SOGની ટીમોએ તપાસ હાથ ધરી
સાબરકાંઠા જીલ્લાના ઈડરમાં 15 લાખ રૂપિયાની ચીલ ઝડપની ઘટના સામે આવી છે. જેમાં RNFI કેસ કલેક્શન નામની એજન્સીના કર્મચારી પાસેથી 15 લાખની બેગની ચીલ ઝડપ કરીને બે બાઈક સવાર શખ્સો ફરાર થતાં ચકચાર મચી ગઈ છે અને આ અંગે LCB, SOG અને ઈડર પોલીસ સહિતની ટીમોએ ફરાર બે બાઈક સવાર શખ્સોને ઝડપી લેવા વઘુ તપાસ હાથ ધરી છે.
સાબરકાંઠા જીલ્લાના ઈડર શહેરમાં ૧૫ લાખ રૂપિયાની ચીલ ઝડપની ઘટના સામે આવી છે જેમાં આર.એન.એફ.આઈ કેસ કલેક્શન નામની એજન્સીના કર્મચારી પાસેથી આશરે ૧૫ લાખના થેલાની ચીલ ઝડપ કરીને બે બાઈક સવાર શખ્સો ફરાર થતાં ચકચાર મચી ગઈ છે અને આ અંગે એલ.સી.બી,એસ.ઓ.જી અને ઈડર પોલીસ સહિતની ટીમો ફરાર બે બાઈક સવાર શખ્સોને ઝડપી લેવા કામે લાગી ગઈ છે
આ અંગે સૂત્રો પાસેથી મળતી માહિતી મુજબ ઈડર શહેરમાં આવેલ એ.યુ સ્મોલ ફાઈનાન્સની ટાય અપ એજન્સી એટલેકે આર.એન.એફ. આઈ જે કેસ કલેક્શન એજન્સીનું કામ કરે છે તે એજન્સીના કર્મચારી વિક્રમસિંહ જેઓ એ.યુ ફાઈનાન્સમાંથી આશરે ૨૦ લાખ રૂપિયા કેસ લઈને નીકળ્યા હતા અને જેમાંથી પાંચ લાખ રૂપિયા પંજાબ નેશનલ બેંકમાં ભરી તેઓ બાકીના ૧૫ લાખ રૂપિયા એચ.ડી.એફ.સી બેન્કમાં ભરવા જતા હતા ત્યારે બપોરના સમયે એજન્સીનો કર્મચારી ઈડર શહેરના ત્રિરંગા સર્કલ સુધી ચાલીને આવ્યા હતા.
ત્યારબાદ કર્મચારી આશરે ૧૫ લાખના થેલો લઈને રિક્ષામાં આગળની સાઈડ બેસીને તેઓ કે.એમ.પટેલ વિદ્યામંદિર નજીક પહોચતા બે શખ્સો બાઈક લઈને આવી ખાનગી કેસ કલેક્શન એજન્સીના કર્મચારી પાસે રહેલ આશરે ૧૫ લાખ રૂપિયા ભરેલો થેલો ઝૂંટવીને ફરાર થઈ ગયા હતા તે બાદ જે રિક્ષામાં બેઠા હતા તે રિક્ષા લઈને ફરાર બાઈક સવારનો પીછો કર્યો હતો પરંતુ જોત જોતામાં બાઈક સવાર રફુચક્કર થઈ ગયા હતા જ્યારે આ ૧૫ લાખની ચીલ ઝડપ મામલે એજન્સીના કર્મચારીએ ઈડર પોલીસ સ્ટેશન પહોંચીને તમામ હકીકત જણાવતા ઈનચાર્જ જીલ્લા પોલીસ વડા સ્મિત ગોહિલ તેમજ એલ.સી.બી,એસ.ઓ.જી સહિતની તપાસ ટીમો તાબડતોબ ઈડર ખાતે દોડી આવી હતી અને ભોગવનાર એજન્સીના કર્મચારીની સઘન પૂછપરછ કરીને ફરાર બાઈક સવારોને ઝડપી લેવા ચક્રો ગતીમાન કર્યા હતા.
અહેવાલ: સંજય દીક્ષિત
