પોરબંદર વિધાનસભા બેઠકમાં અર્જુન મોઢવાડિયાની મોટી જીત થઇ છે. કોંગ્રેસના આ નેતા જીત બાદ વિપક્ષ નેતા બને તેવા ઉજળા સંકેતો જણાઇ રહ્યાં છે. પોરબંદર બેઠક પર કુલ 11 ઉમેદવારો મેદાનમાં હતા. અહીં ત્રીજી ચૂંટણી છે કે, જેમાં ભાજપના બાબુ બોખિરીયા અને કોંગ્રેસના અર્જુન મોઢવાડિયા વચ્ચે સીધી ટક્કર થઈ રહી છે. 2012 અને 2017માં અર્જુન મોઢવાડિયાએ અહીં હારનો સામનો કરવો પડ્યો હતો. 2022ના ચૂંટણી જંગમાં ભાજપ અને કોંગ્રેસ વધુ એકવાર આ બંનેને ટિકિટ આપતા સતત ત્રીજી વાર બોખીરિયા અને મોઢવાડિયા આમને-સામને હતાં ત્યારે આ બેઠક પર બાબુ બોખીરિયા જીતની હેટ્રિક કરી શક્યા ન હતાં. અર્જુન મોઢવાડિયાની આ બેઠક પર જીત થઇ છે.
