કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરીએ ભારત (ન્યુ કાર એસેસમેન્ટ પ્રોગ્રામ) રજૂ કરવા માટેના ડ્રાફ્ટ જીએસઆર નોટિફિકેશનને મંજૂરી આપી છે, જેમાં ભારતમાં ઓટોમોબાઈલને ક્રેશ ટેસ્ટમાં તેમના પ્રદર્શનના આધારે સ્ટાર રેટિંગ આપવામાં આવશે.
ટ્વીટ્સની શ્રેણીમાં તેમણે જણાવ્યું હતું કે ભારત-એનસીએપી ઉપભોક્તા-કેન્દ્રિત પ્લેટફોર્મ તરીકે સેવા આપશે જે ગ્રાહકોને તેમના સ્ટાર-રેટિંગ્સના આધારે સુરક્ષિત કાર પસંદ કરવાની મંજૂરી આપશે, જ્યારે ભારતમાં OEMs વચ્ચે સુરક્ષિત વાહનોનું ઉત્પાદન કરવા માટે તંદુરસ્ત સ્પર્ધાને પ્રોત્સાહન આપશે.મંત્રીએ કહ્યું કે ક્રેશ ટેસ્ટ પર આધારિત ભારતીય કારનું સ્ટાર રેટિંગ માત્ર કારમાં માળખાકીય અને મુસાફરોની સલામતી સુનિશ્ચિત કરવા માટે જ નહીં, પરંતુ ભારતીય ઓટોમોબાઈલની નિકાસ-યોગ્યતા વધારવા માટે પણ અત્યંત મહત્ત્વપૂર્ણ છે.
તેમણે જણાવ્યું હતું કે, ભારત NCAP ટેસ્ટિંગ પ્રોટોકોલ વર્તમાન ભારતીય નિયમોમાં ગ્લોબલ ક્રેશ ટેસ્ટ પ્રોટોકોલ ફેક્ટરિંગ સાથે સંરેખિત રહેશે, જેનાથી ઘઊખ ને તેમના વાહનોનું ભારતની પોતાની ઇન-હાઉસ ટેસ્ટિંગ સુવિધાઓ પર પરીક્ષણ કરવાની મંજૂરી આપવામાં આવશે.ગડકરીએ જણાવ્યું હતું કે ભારતને વિશ્વમાં નંબર 1 ઓટોમોબાઈલ હબ બનાવવાના મિશન સાથે આપણા ઓટોમોબાઈલ ઉદ્યોગને આત્મનિર્ભર બનાવવા માટે ભારત એનસીએપી એક મહત્વપૂર્ણ સાધન સાબિત થશે.
