જિલ્લા રોજગાર કચેરી, સુરેન્દ્રનગર અને શ્રી સી.યુ.શાહ સરકારી પોલીટેકનીક કોલેજ, વઢવાણના સંયુકત ઉપક્રમે તા.૧૩/૬/૨૦૧૮ના રોજ સવારના ૧૧-૦૦ કલાકે શ્રી સી.યુ.શાહ સરકારી પોલીટેકનીક કોલેજ, બોડા તળાવ પાસે, મુળચંદ રોડ, વઢવાણ ખાતે એપ્રેન્ટીસ કમ રોજગાર ભરતી મેળાનું આયોજન કરવામાં આવેલ છે. આ મેળામાં ખાનગીક્ષેત્રના વિવિધ નોકરીદાતાઓ વિવિધ જગ્યાઓ સામે ઉમેદવારોની પસંદગી માટે ઉપસ્થિત રહેશે. સુરેન્દ્રનગર જિલ્લાના ડીપ્લોમા મીકેનીકલ/ ઈલેકટ્રીકલ/ઓટોમોબાઈલ/કોમ્પ્યુટર લાયકાત ધરાવતા રોજગાર વાંચ્છુક ઉમેદવારોએ શૈક્ષણિક લાયકાતના તમામ અસલ પ્રમાણપત્રો તથા બાયોડેટા (ત્રણ થી ચાર નકલમાં), પસપોર્ટ સાઈઝના ફોટોગ્રાફસ તથા આધારકાર્ડ સાથે સ્વખર્ચે ઉપસ્થિત રહેવા રોજગાર અધિકારી (જનરલ) સુરેન્દ્રનગર દ્વારા જણાવાયું છે.
