રાજકોટ મહાનગરપાલિકા દ્વારા જગ્યા રોકાણ વિભાગમાં એન્ક્રોચમેન્ટ રીમુવલ ઇન્સ્પેકટરની જગ્યા પરની ભરતી કરવામાં આવી હતી. નિમણુંક પામેલા કર્મચારીઓને મેયર બિનાબેન આચાર્ય, રાજકોટ શહેર ભાજપ પ્રમુખ કમલેશભાઈ મીરાણી, ડેપ્યુટી મેયર અશ્વિનભાઈ મોલીયા, શાસક પક્ષ નેતા દલસુખભાઈ જાગાણી અને એસ્ટેટ કમિટીના ચેરમેન પ્રીતિબેન પનારા વરદ હસ્તે નિમણુંક હુકમ આપવામાં આવ્યા હતા. મેયરે તમામ કર્મચારીઓને જણાવ્યુ હતું કે, રાજકોટ સ્માર્ટ સિટી તરફ આગળ વધી રહેલ છે ત્યારે મુખ્ય માર્ગો પર નડતરરૂપ દબાણ હટાવવાની સાથે રેકડીઓવાળા બેરોજગાર ન બને તે રીતે તેઓને હોકર્સઝોનમાં ધંધા રોજગાર કરી શકે તે રીતે કાર્યવાહી કરવા જણાવ્યુ હતું.
