છેલ્લા ૧૭ વર્ષ થયા દર વર્ષે નિયમિત પણે બેંક વિમા કર્મચારી રીક્રીએશન કલબ ધોરાજી દ્વારા યોજાતા વાર્ષિક મહોત્સવ કાર્યક્રમમાં ધોરાજીની તમામ બેંકો, સહકારી બેંકો તેમજ વિમા કૃ.ના મેનેજરો, કર્મચારીઓ સહકુટુંબ સાથે બ્રાહ્મણવાડી ખાતે ઉપસ્થિત રહ્યા હતા સમાજના ધો.૧ થી ૧૨ના તેજસ્વી તારલાઓને ભેટ મોમેન્ટો આપીને પ્રોત્સાહીત કર્યા હતા આ તકે ધો.૧ થી ૧૨ના વિદ્યાર્થીઓ દ્વારા દેશભકિતગીતો, શોર્યગીતો, અભિનય ગીતો, દુહા છંદ વિગેરે સાંસ્કૃતિક કાર્યક્રમ રજૂ થયો હતો. ઉપરાંત અવનવી ગેઈમો, સ્પર્ધાઓ યોજાઈ હતી પ્રમોશન મેળવતા તેમજ નિવૃત થતા કર્મચારીનું મહેમાનોના હસ્તે સન્માન કરવામાં આવેલ જળ એજ જીવન તેમજ આરોગ્ય વિષે માર્ગદર્શન આપવામાં આવ્યું હતુ આ તકે એસ.બી.આઈ. મેનેજર પાનસુરીયા, બી.ઓ.બી. મેનેજર ભાલોડીયા, એલ.આઈ.સી. મેનેજર મયુર દોશી, યુનિયન સ્પોર્ટસ કલબના પ્રમુખ રણજીતસિંહ આર.ડી.સી.ના નાગરીક બેંકનાં મેનેજરો, ઉપસ્થિત રહ્યા હતા કાર્યક્રમનું સંચાલન સુનિલ નિમાવત, હરેશ ત્રિવેદી, જગદીશભાઈ ગામોટ દ્વારા કરાયું હતુ.
