અમેરિકાની સૌથી મોટી કંપનીઓમાંની એક વી વર્ક નાદારીની આરે પહોંચી ગઈ છે. કંપનીએ નાદાર જાહેર કરવા અરજી કરી છે. એક સમયે રૂ. 4.10 લાખ કરોડની નેટવર્થ ધરાવતી જાયન્ટ કંપનીની જવાબદારી હવે રૂ.82000 કરોડથી વધીને રૂ. 4.10 લાખ કરોડ થઈ ગઈ છે, જેને કંપની ચૂકવવા સક્ષમ નથી. કંપનીએ સોમવારે ન્યૂ જર્સીની કોર્ટમાં નાદારી જાહેર કરવાની અરજી દાખલ કરી હતી, કારણ કે કંપની દેવું અને ભારે નુકસાન સાથે સંઘર્ષ કરી રહી છે. આ વર્ષે કંપનીના શેરમાં લગભગ 96 ટકાનો ઘટાડો થયો છે.
કો-વર્કિંગ સ્પેસ પ્રોવાઈડર કંપની એક સમયનું સફળ સ્ટાર્ટ અપ હતી, એક વર્ષમાં કંપનીના શેરમાં 96 ટકાનો કડાકો : હવે કંપનીએ નાદારી નોંધાવવા કોર્ટના દ્વાર ખખડાવ્યા
કો-વર્કિંગ સ્પેસ પ્રોવાઈડર વી વર્ક કંપનીએ નાદારી નોંધાવી છે. વર્તમાન આર્થિક સ્થિતિ વચ્ચે કંપની ઉતાર-ચઢાવની સ્થિતિમાં હોવાની માહિતી મળ્યા બાદ આ અહેવાલ સામે આવ્યો છે. કંપનીએ આ વર્ષે ઓગસ્ટમાં તેના બીજા ક્વાર્ટરના કમાણીના અહેવાલ દરમિયાન ચેતવણી જારી કરી હતી જે દર્શાવે છે કે તેની પાસે આગામી વર્ષમાં પોતાને ટકાવી રાખવા માટે પૂરતો ખર્ચ નહીં હોય.
ટેક જાયન્ટ્સ સહિતની વિવિધ કંપનીઓ તેમના કર્મચારીઓને રિમોટલી કામ કરવા માટે ઓફિસની જગ્યા પૂરી પાડવા માટે વી વર્કનો ઉપયોગ કરી રહી હતી.
નોંધનીય છે કે ગયા અઠવાડિયે જ, એવું નોંધવામાં આવ્યું હતું કે વી વર્કના શેરમાં લગભગ 50 ટકાનો ઘટાડો થયો છે અને સંભવિત નાદારી ફાઇલિંગના અહેવાલો સપાટી પર આવ્યા હતા. આજે રોઇટર્સના અહેવાલમાં જણાવાયું છે કે વી વર્ક નાદારી માટે અરજી કરી છે. કંપનીની 60 ટકા માલિકી જાપાનીઝ ટેક્નોલોજી સમૂહ સોફ્ટબેંકની છે. નોંધનીય છે કે વી વર્ક એક સમયે અમેરિકાનું સૌથી મૂલ્યવાન સ્ટાર્ટઅપ હતું.
અહેવાલમાં એમ પણ કહેવામાં આવ્યું છે કે કંપનીને પૈસા કમાવવામાં મુશ્કેલી આવી રહી છે કારણ કે તે ખૂબ ભાડું ચૂકવે છે અને વ્યવસાયો તેમની સભ્યપદ રદ કરી રહ્યા છે કારણ કે કેટલાક કર્મચારીઓ ઘરેથી કામ કરી રહ્યા છે. અહેવાલ દર્શાવે છે કે 2023 ના બીજા ક્વાર્ટરમાં જગ્યા માટે ચૂકવણી કરવામાં વી વર્કની આવકના 74 ટકાનો વપરાશ થયો હતો.
