- સુરત : અડાજણ વિસ્તારમાં એમ્બ્યુલન્સે સાયકલ ચાલક બાળકીને લીધી અડફેટે
- એમ્બ્યુલન્સે સાયકલ ચાલક બાળકીને લીધી અડફેટે !
સુરતમાં પૂરપાટ ઝડપે દોડતા વાહનો દ્વારા અકસ્માતના કિસ્સાઓ યથાવત રહેવા પામ્યા છે. ત્યારે સુરતના અડાજણ વિસ્તારમાં 108 એમ્બ્યુલન્સ દ્વારા એક અકસ્માત સર્જવામાં આવ્યો હતો. દસ વર્ષની બાળકી સાયકલ લઈને રોડ ક્રોસ કરી રહી હતી ત્યારે 108 એમ્બ્યુલન્સ ના ચાલકે અડફેટે લઈને ઉડાવી દીધી હતી. જેના પગલે બાળકી 20 ફૂટ દૂર ફેંકાઈ ગઈ હતી. આ સમગ્ર ઘટના સીસીટીવી માં કેદ થઈ જવા પામી છે.
સુરતના અડાજણ વિસ્તારમાં આવેલ સરદાર બ્રિજ પાસે 108ના અકસ્માતમાં 10 વર્ષિય બાળકી ઈજાગ્રસ્ત થઈ હતી. બાળકીને એમ્બ્યુલન્સમાં સારવાર માટે ખસેડાય હતી. સદ્નસીબે બાળકીને સામાન્ય ઈજા પહોંચી હતી. રોડ ક્રોસ કરતાં સમયે આ ઘટના બની હતી જે સમગ્ર ઘટના સીસીટીવીમાં કેદ થઈ ગઈ હતી. અત્રે ઉલ્લેખનીય છે કે આકસ્માત બાદ અ બાળકીને જે 108 દ્વારા અકસ્માત થયો હતો તેમાં જ સારવાર માટે લઈ જવામાં આવી હતી.
ઘટના અંગે મળતી માહિતી મુજબ અડાજણ વિસ્તારમાં શનિવારે સરદાર બ્રિજ પાસેથી 108 એમ્બ્યુલન્સ પસાર થતી હતી. ત્યારે 10 વર્ષિય ખનક કિંજલભાઈ મેવાડા સાથે એમ્બ્યુલન્સનો અકસ્માત થયો હતો. 10 વર્ષથી ખનક સાયકલ પર સ્કૂલે જઈ રહી હતી દરમિયાન રોડ ક્રોસ કરતાં સમયે ફુલ સ્પીડમાં આવતી 108 એમ્બ્યુલન્સના અડફેટે આવી ગઈ હતી. 108 એમ્બ્યુલન્સની ટક્કરના પગલે ખનક 20 ફૂટ દૂર ફેકાઈ ગઈ હતી.
સાયકલ સાથે અડફેટે આવેલી 10 વર્ષીય બાળકી રોડ પર પટકાવવાના કારણે સામાન્ય ઇજાઓ થઈ હતી. અકસ્માતના પગલે આસપાસના લોકો સ્થળ પર દોડી આવ્યા હતા. જોકે, આ અકસ્માત ગંભીર ન હોવાથી બાળકીને પગના ભાગે સામાન્ય ઈજા પહોંચી હોવાનું જાણવા મળ્યું હતું. સારવાર માટે 108 મારફતે જ બાળકીને હોસ્પિટલ ખસેડાય હતી. સામાન્ય ઈજા હોવાથી બાળકીના પરીવારને રાહતનો શ્વાસ લીધો હતો અને 108ની માનવતાનો આભાર માન્યો હતો.
અહેવાલ : ભાવેશ ઉપાધ્યાય
