અંબાલાલની આગાહી સાચી ઠરી…રાજ્યમાં ઠેર ઠેર વરસાદની શરૂઆત

• રાજ્યમાં ઠેર ઠેર વરસાદની શરૂઆત
• વામાન ખાતાની આગાહી સાચી પડી 

ગુજરાત ન્યૂઝ : અંબાલાલની આગાહી સાચી પડી છે .હવામાન ખાતાની આગાહી મુજબ 12-05-2024થી તા.16-05-2024 દરમિયાન રાજયના ઉત્તર ગુજરાતના અમુક જિલ્લાઓ સહિત દક્ષિણ ગુજરાતના નવસારી, વલસાડ, ડાંગ, નર્મદા, તાપીમાં મેઘ રાજા મહેરબાન થશે. ત્યારે આજે એકાએક સમગ્ર ગુજરાતનાં વાતાવરણમાં પલટો જોવા મળ્યો છે .

ભાવનગરના સિહોર તાલુકાનાં સણોસરા, ઈશ્વરીયા , આબલા સહિતના ગામોમાં કરા સાથે વરસાદની શરૂઆત થઈ ગઈ છે . આમ જોઈએ તો ગરમી માંથી લોકોને હળવાશ મળશે પરંતુ વરસાદના લીધે ખેડૂતોમાં ચિંતાનો માહોલ જોવા મળી રહ્યો છે .

અરવલ્લી જિલ્લાના શામળાજી, રતનપુર, લુસડીયા, ભેટાલી સહિતના ગામોમાં કરા સાથે ધોધમાર વરસાદ પડ્યો છે. સાબરકાંઠામાં પણ હવામાન વિભાગની આગાહી મુજબ વિવિધ વિસ્તાર જેવા કે  પોશીના, વડાલી , ખેડબ્રહ્મા અને ઈડરમાં વાવાઝોડા સાથે વરસાદ ખાબક્યો છે .

રાજકોટની વાત કરવામાં આવે તો વાતાવરણમાં એકાએક પલટા સાથે વાદળછાયું વાતાવરણ જોવા મળ્યું છે . અમદાવાદના વટવા , તારોલ , રામોલ સહિતના વિસ્તારોમાં ભારે પવન ફૂંકાવાની શરૂઆત બાદ જોરદાર મેઘરાજા મહેરબાન થયા છે . ભારે પવન અને ધૂળની ડમરી ઉડતા વિઝીબિલિટિ ઓછી થઈ ગઈ હતી .

વિવિધ જિલ્લા અને તાલુકાની વાત કરવામાં આવે તો ભાયાવદર , ચોટીલા , લોધિકા , મોરબી સહિતના વિસ્તારોમાં ધીમી ધારે વરસાદ આવ્યો છે .