ભારત પાકિસ્તાન સરહદને અડીને આવેલા કચ્છનો બન્ની વિસ્તાર પશુપાલનમાં અગ્રેસર છે, તો સાથે સાથે હસ્તકળા માટે પણ પ્રખ્યાત છે. અહીં વસેલી મુસ્લિમ અને હિન્દુ મેઘવાળ જ્ઞાતિના લોકો વંશ પરંપરાગત આ કળાથી જોડાયેલા છે. સિણીયાડો ગામના 30 વર્ષીય માજીખાન મુતવા મડવર્કનો વારસાગત વ્યવસાય કરતો હતો. ધોરણ દસ પાસ માજીખાન ભુજની સંસ્થા ખમીરના પંકજ શાહના સંપર્કમાં આવ્યા અને મહત્વાકાંક્ષી યુવાન કઈ રીતે વધુ માર્કેટ મળે તેની સલાહ લેતા એમેઝોન ઇન્ડિયાના સેલર તરીકે એન્ટ્રી કરી.
