- દારૂની હેરાફેરી કરતા ત્રણ ઇસમોની ધરપકડ
- કારની પાછળની સીટ અને પાછળની લાઈટમાં ચોરખાનું બનાવી સંતાડ્યો હતો દારુ
સુરતમાં દારૂ ઘુસાડવા બુટલેગરોના અવનવા કીમિયાઓ સામે આવતા હોય છે. ત્યારે સુરતમાં કારમાં પાછળની સીટ અને પાછળની લાઈટમાં ચોરખાનું બનાવી દારુ સંતાડ્યો હતો. ત્યારે પોલીસે પુણા પોલીસે દારૂની હેરાફેરી કરતા ત્રણ ઇસમોની ધરપકડ કરી રૂપિયા 68,000ની કિમંતનો દારુ જપ્ત કર્યો હતો.આ ઉપરાંત પોલીસે દારૂનો મુદામાલ કબ્જે કરી આગળની કાર્યવાહી હાથ ધરી હતી.
મળતી માહિતી અનુસાર, સુરતની પુણા પોલીસે બાતમીના આધારે કારમાં ચોર ખાનું બનાવી દારૂની હેરાફેરી કરતા ત્રણ ઈસમોને ઝડપી પાડ્યા છે. પોલીસે કારમાંથી અલગ અલગ બ્રાન્ડ ની વિદેશી દારૂની 39 બોટલો કબજે કરી છે. આરોપીઓએ કારમાં સીટની પઅંદર ચોરખાનું બનાવ્યું હતું અને પાછળની લાઈટ અંદર ચોરખાનું બનાવવામાં આવ્યું હતું અને તેમાં દારૂની બોટલો લાવવામાં આવી હતી. પોલીસે કારમાં તપાસ કરતા 39 દારૂની બોટલો મળી આવી હતી.
પોલીસે પૂણા ઇન્ટરસિટી સોસાયટીની બાજુમાં જાહેરમાં રોડ પરથી આરોપીઓની ધરપકડ કરી છે. પોલીસે હરિસિંહ માનસિંહ સીસોદીયા, હરિસિંહ સોહનસિંહ સિસોદિયા અને હુકમસિંહ મહેન્દ્રસિંહ ચુડાવતની ધરપકડ કરી છે. પોલીસે 68000 નો દારૂ અને ત્રણ લાખની કાર અને 3 મોબાઈલ ફોન મળી 3.98,000 થી વધુ રૂપિયાનો મુદ્દામાલ કબજે કર્યો છે. હાલ પોલીસે આરોપીઓની ધરપકડ કરી આરોપીઓ આ દારૂનો જથ્થો ક્યાંથી લાવ્યા હતા અને કોને આપવાના હતા તે દિશામાં તપાસના ચક્રો ગતિમાન કર્યા છે.
અહેવાલ: ભાવેશ ઉપાધ્યાય
