કેરાલાની ઓપનર અંશુએ એક જ બાઉન્ડરી મારીને ટીમને જીતાડી દીધી હતી
૧૧ ક્રિકેટર માત્ર ૨ રનમાં જ ઓલ આઉટ થઈ જાય અને તેમાં પણ ૧ રનતો એકસ્ટ્રાનો હોય તેવું કદી બન્યું છે? જી હા, નાગાલેન્ડની અંડર ૧૯ વુમન ટીમની આવી બૂરી હાલત થઈ હતી જેમાં ૯ ખેલાડીતો શૂન્યમાં આઉટ થઈ ગયા હતા જયારે માત્ર એક ખેલાડી ૧ રન બનાવી શકયો હતો.
બીસીસીઆઈના અંડર ૧૯ વુમન વન ડે સુપર લીગમાં નાગાલેન્ડ અને કેરાલા વચ્ચે મેચ રમાયો હતો. નાગાલેન્ડે ટોસ જીતી પ્રથમ બેટીંગ કર્યું હતુ તેઓનો ૧૭ ઓવરમાં સ્કોર માત્ર ૨ રન થયો હતા.
નાગાલેન્ડની ઓપનેર મેનકાએ ૧૮ દડામાં ૧ રન કર્યો હતો અને એકસ્ટ્રા ૧ રન મળીને કુલ સ્કોર ૨ રન થયો હતો.સામા છેડે કેરાલાની ઓપનર અંશુએ એક જ બાઉન્ડરી મારીને ટીમને જીતાડી દીધી હતી.
સ્વીભાવિક રીતે જ તેને મેન ઓફ ધ મેચ જાહેર કરાઈ હતી. પરંતુ કેરાલાની ટીમની મહિલા બોલરો દાદ ને પાત્ર છે.
