આજે એટલે કે 26મી ડિસેમ્બર 2024ના રોજ, સમગ્ર ભારતમાં એરટેલ સેવાઓ બંધ થવાના અહેવાલો છે. સમગ્ર દેશમાં યુઝર્સ સેવામાં વિક્ષેપ અંગે સતત ફરિયાદ કરી રહ્યા છે. ઘણા વપરાશકર્તાઓએ સોશિયલ મીડિયા પર મોબાઇલ અને બ્રોડબેન્ડ સેવાઓમાં તેઓ જે સમસ્યાઓનો સામનો કરી રહ્યા છે તે શેર કરી છે.
ડાઉનડિટેક્ટરના ડેટા અનુસાર, મોટાભાગની ફરિયાદો ગુરુવારે સવારે 11 વાગ્યાની આસપાસ નોંધવામાં આવી હતી. જાણ કરનારા વપરાશકર્તાઓમાંથી, 46 ટકાએ “સંપૂર્ણ બ્લેકઆઉટ”ની ફરિયાદ કરી, 32 ટકાએ “સિગ્નલ નથી” અને 22 ટકાએ મોબાઇલ કનેક્શનમાં સમસ્યાઓની જાણ કરી. આ આંકડા ગુરુવારે બપોરે 12 વાગ્યા સુધીના છે. એરટેલે હજુ સુધી આ મુદ્દે કોઈ પ્રતિક્રિયા કે સત્તાવાર નિવેદન જારી કર્યું નથી, પરંતુ આ મુદ્દે ગ્રાહકોમાં નારાજગી પેદા થઈ છે.
ભારતમાં એરટેલનો મોટો યુઝરબેઝ છે
ભારતમાં એરટેલનો મોટો યુઝરબેઝ છે. આ કંપનીઓ મોબાઈલ સિમ સર્વિસથી લઈને બ્રોડબેન્ડ સુધીની સેવાઓ પૂરી પાડે છે. આવી સ્થિતિમાં, તેની સેવા બંધ થવાથી ઘણા લોકોને ભારે મુશ્કેલીનો સામનો કરવો પડે છે. જો કે સમગ્ર ભારતમાં તેની અસર થઈ નથી.
યુઝર્સને સિગ્નલ ના મળ્યું, ઈન્ટરનેટ કામ કરતુ બંધ
ઘણા યુઝર્સે કહ્યું કે તેમને નો સિગ્નલની સમસ્યાનો સામનો કરવો પડ્યો, ત્યારબાદ અચાનક તેમના મોબાઈલમાંથી ન તો કોલ કરવામાં આવ્યા, ન તો મેસેજ મોકલવામાં આવ્યા અને ન તો તેઓ ઈન્ટરનેટનો ઉપયોગ કરી શક્યા. દેશના ઘણા મોટા શહેરો પર તેની અસર દેખાઈ રહી છે, જે ડાઉનડિક્ટરે તેની વેબસાઈટ પર દર્શાવી છે.
