રીલીઝ થયા પહેલા પણ વિવાદના વંટોળમાં ઘેરાયેલી ફિલ્મ આદિપુરુષ રીલીઝ થયા બાદ પણ અનેક વિવાદોમાં સપડાયેલી જોવા મળે છે. ઠેર-ઠેર લોકો દ્વારા ફિલ્મનો વિરોધ કરવામાં આવી રહ્યો છે. આ મામલે ટ્વીટરમાં બોયકોટ આદિપુરુષનો હેશટેગ હાલ જોવા મળી રહ્યો છે. લોકો કહી રહ્યા છે કે રામાનંદ સાગર દિગ્દર્શિત રામાયણની તોલે કોઈ આવી શકે નહિ ત્યારે આ મામલે રામાનંદ સાગરના પુત્ર પ્રેમ સાગરે પણ નારાજગી વ્યક્ત કરી છે.
પ્રભાસ, કૃતિ સેનન અને સૈફ અલી ખાન સ્ટારર ફિલ્મ આદિપુરુષ 16 જૂને સિનેમાઘરોમાં રિલીઝ થઈ છે. આ ફિલ્મ તેના નબળા VFX અને તેના કેટલાક ડાયલોગ્સ માટે રિલીઝ થયા બાદથી ટ્રોલ કરવામાં આવી છે. ત્યારે એક ન્યૂઝ પોર્ટલને ઈન્ટરવ્યુ આપતા પ્રેમ સાગરે કહ્યું કે તેણે હજુ સુધી ફિલ્મ જોઈ નથી પરંતુ ફિલ્મનું ટીઝર જોયું છે. આમાં હનુમાનજીનો રોલ કરી રહેલા દેવદત્ત નાગે કહે છે, ‘તેલ તેરે બાપ કા, જલેગી તેરે બાપ કી…’, આ જોઈને લાગે છે કે ઓમ રાઉતે ‘આદિપુરુષ’ દ્વારા માર્વેલ બનાવવાનો પ્રયાસ કર્યો છે.
‘રામાનંદ સાગર જેવું રામાયણ 50 વર્ષ સુધી પણ બની શકે નહીં’
પ્રેમ સાગરે પોતાના ઈન્સ્ટાગ્રામ પર એક વીડિયો પણ પોસ્ટ કર્યો છે, જેની સાથે તેણે એક લાંબુ કેપ્શન પણ લખ્યું છે. તેમણે લખ્યું- ’50 વર્ષ સુધી પણ રામાનંદ સાગરની જેમ બનેલી રામાયણ બની શકે નહીં… રામાયણ બનાવવા માટે પપ્પાજીનો જન્મ થયો હતો, તેમને રામાયણને ફરીથી લખવા માટે આ પૃથ્વી પર મોકલવામાં આવ્યા હતા. રામાનંદ સાગરની રામાયણ એવી મહાકાવ્ય હતી જેનો વિશ્વએ અનુભવ કર્યો હતો અને તે લોકોના હૃદયમાં ક્યારેય બદલાશે નહીં.’
ફેન્સએ પૈસા પાછા માંગ્યા
આ ફિલ્મ જોયા બાદ સોશિયલ મીડિયા પર પ્રતિક્રિયાઓનું પૂર આવ્યું છે. આ વીડિયોને શેર કરતા એક યુઝરે ટ્વિટર પર લખ્યું, ‘ચલો યે વાલા મસાજ ભી દેખ લો, અજગર મસાજ ઓમ રાઉત દ્વારા પ્રાયોજિત’. બીજાએ લખ્યું, ‘મારે મારા પૈસા પાછા જોઈએ છે’. તો ત્રીજાએ લખ્યું, ‘ડિઝાસ્ટર મૂવી’. ફેન્સ સોશિયલ મીડિયા પર ફની મીમ્સ શેર કરી રહ્યા છે
