હવસખોર આરોપીને આદિપુર પોલીસે પકડ્યો 
આદિપુરમાં માસૂમ બાળકી સાથે વિકૃતિભર્યુ કામ કરનાર હવસખોર આરોપીને આદિપુર પોલીસે ઝડપી લીધો છે.આ અંગે આદિપુર PSI બી.જી.ડાંગરે વિગતો આપતાં જણાવ્યુ હતુ કે, શુક્રવારે બપોરે સાડા ત્રણના અરસામાં આ ઘટના બની હતી.
ભાડે રહેતાં પરિવારના મકાન નજીક પરાઠા હાઉસ ચાલે છે. પરાઠા હાઉસમાં કામ કરતાં પચાસેક વર્ષના આધેડ હવસખોરે બાળકીને ચોકલેટ આપી હાથ પકડીને બાથરૂમમાં લઈ જઈ હવસનો ખેલ ખેલી મુખમૈથુન કરાવ્યુ હતુ. દરમિયાન પિતા બાળકીને શોધતાં શોધતાં સ્થળ પર આવી ચઢતાં આરોપી નાસી છૂટ્યો હતો.
આરોપી પુષ્પરાજ ઊર્ફે વીકી સંતકુમાર ગંગારામાની વિરૂધ્ધ ઈપીકો કલમ 376 તેમજ પોક્સોની કલમ 5 અને 6 હેઠળ ફરિયાદ નોંધી આરોપીની ધરપકડ કરાઈ છે. આ કામગીરી આદિપુર PSI બી.જી ડાંગર તથા સમગ્ર સ્ટાફ દ્વારા કરવામાં આવી છે.
