ધ્વનીની મર્યાદામાં ‘ભૂંગળા’ દ્વારા અઝાન પઢી શકાય: કર્ણાટક હાઇકોર્ટ

લાઉડસ્પીકર પર અઝાન પઢવાથી અન્ય ધર્મના લોકોના મૌલિક અધિકારોનું ઉલ્લંઘન થતું નથી: અદાલતનું અવલોકન

કર્ણાટક હાઈકોર્ટે સોમવારે અઝાન માટે મસ્જિદોમાં લાઉડસ્પીકરના ઉપયોગ પર પ્રતિબંધ મૂકવાનો ઇનકાર કર્યો હતો. હાઈકોર્ટે કહ્યું છે કે લાઉડસ્પીકર પર અઝાન પઢવાથી અન્ય ધર્મના લોકોના મૂળભૂત અધિકારનું ઉલ્લંઘન થતું નથી. કાર્યકારી ચીફ જસ્ટિસ જસ્ટિસ આલોક આરાધેની અધ્યક્ષતાવાળી ડિવિઝન બેન્ચે બેંગલુરુના રહેવાસી મંજુનાથ એસ. હલવરની જાહેર હિતની અરજીની સુનાવણી કરતા આ અવલોકન કર્યું હતું.

કર્ણાટક હાઈકોર્ટે સોમવારે મસ્જિદોમાં ’અઝાન’ માટે લાઉડસ્પીકરના ઉપયોગ પર પ્રતિબંધ મૂકવાનો ઇનકાર કર્યો હતો.  હાઈકોર્ટે કહ્યું છે કે લાઉડસ્પીકર પર અઝાન પઢવાથી અન્ય ધર્મના લોકોના મૂળભૂત અધિકારનું ઉલ્લંઘન થતું નથી. કોર્ટે મસ્જિદોને લાઉડસ્પીકર પર અઝાન પઢવા પર પ્રતિબંધ મુકવાનો ઇનકાર કર્યો હતો.  જો કે, કોર્ટે અધિકારીઓને લાઉડસ્પીકર્સ સંબંધિત ’ઘોંઘાટ પ્રદૂષણ નિયમો’ લાગુ કરવા અને પાલન અહેવાલ દાખલ કરવાનો નિર્દેશ આપ્યો હતો.

કાર્યકારી ચીફ જસ્ટિસ જસ્ટિસ આલોક આરાધેની અધ્યક્ષતાવાળી ડિવિઝન બેન્ચે બેંગલુરુના રહેવાસી મંજુનાથ એસ.  હલવરની જાહેર હિતની અરજી સાંભળી હતી.

કોર્ટે પોતાના આદેશમાં કહ્યું કે ’ભારતીય બંધારણના અનુચ્છેદ 25 અને 26 સહિષ્ણુતાના સિદ્ધાંતને મૂર્તિમંત કરે છે, જે ભારતીય સંસ્કૃતિની વિશેષતા છે. બંધારણની કલમ 25(1) લોકોને તેમના ધર્મનો સ્વતંત્રપણે ઉપદેશ આપવા અને તેનો પ્રચાર કરવાનો મૂળભૂત અધિકાર પૂરો પાડે છે. ભારતીય બંધારણના ભાગ 3 ની અન્ય જોગવાઈઓ હેઠળ આવતા પ્રતિબંધોને આધીન છે.’

કોર્ટે કહ્યું કે અઝાનનો અવાજ અરજદાર તેમજ અન્ય ધર્મના લોકો દ્વારા માણવામાં આવેલા મૂળભૂત અધિકારનું ઉલ્લંઘન કરે છે તેવી દલીલ સ્વીકારી શકાય નહીં.