અદાણી ગ્રૂપ એસીસી લિમિટેડ અને અંબુજા સિમેન્ટને હસ્તગત કરવા માટે ગયા વર્ષે લીધેલી ડોલર 3.5 બિલિયનની લોનને પુનર્ધિરાણ કરવા માટે નિશ્ચિત કરાર પર હસ્તાક્ષર કરવા માટે તૈયાર છે, . ઓછામાં ઓછી 18 વૈશ્વિક બેંકો બાર્કલેઝ, ડોઇશ બેંક અને સ્ટાન્ડર્ડ ચાર્ટર્ડની આગેવાની હેઠળના કોન્સોર્ટિયમમાં દેવું પુન:ધિરાણ કરવા માટે સંમત થઈ છે, જેણે ભારતના બિલ્ડિંગ-મટીરીયલ્સ ઉદ્યોગમાં સૌથી મોટા ધિરાણ આપવામાં મદદ કરી હતી.
લોન કરાર પર ગુરુવારે મોડી રાત્રે હસ્તાક્ષર થવાની અપેક્ષા છે, આ બાબતથી પરિચિત વ્યક્તિએ જણાવ્યું હતું. નવી શરતો હેઠળ, પ્રમોટર અદાણી પરિવાર લગભગ ડોલર 300 મિલિયનની પ્રીપેમેન્ટ કરશે. આ નાણાકીય વર્ષમાં એશિયા પેસિફિક ક્ષેત્રમાં તે સૌથી મોટી રિફાઇનાન્સિંગ કવાયત પણ હશે. અદાણી ગ્રૂપે વર્તમાન 18 મહિનાથી લોનની મુદત લંબાવીને લાંબા ગાળા માટે ધિરાણકર્તાઓ સાથે વાટાઘાટો શરૂ કરી છે – જે આવતા વર્ષે ફેબ્રુઆરીમાં સમાપ્ત થવાની છે.
18 વૈશ્વિક બેંકો બાર્કલેઝ, ડોઇશ બેંક અને સ્ટાન્ડર્ડ ચાર્ટર્ડની આગેવાની હેઠળના કોન્સોર્ટિયમમાં દેવું પુન:ધિરાણ કરવા માટે સંમત થઈ
જૂથે અત્યાર સુધીમાં લગભગ ડોલર 2 બિલિયન અંબુજા અને એસિસી લોનની ચૂકવણી કરી છે, જેમાં ત્રણ વિદેશી બેંકો પાસેથી શેર્સ સુવિધા સામે લોનના રૂપમાં લીધેલા ડોલર બિલિયન પ્રમોટર એડવાન્સનો સમાવેશ થાય છે. પુન:ધિરાણમાં 18 ધિરાણકર્તાઓના સંઘનો સમાવેશ થાય છે અને તેનું નેતૃત્વ ત્રણ જાપાનીઝ બેંકો – ખઞઋૠ, મિઝુહો અને જખઇઈ દ્વારા કરવામાં આવે છે. ડીબીએસ, ફર્સ્ટ અબુ ધાબી બેંક, સ્ટાન્ડર્ડ ચાર્ટર્ડ બેંક, બાર્કલેઝ, ડોઇશ બેંક, આઈએનજી, બીએનપી પરિબાસ અને કતારની ક્યુએનબી સહિત અન્ય એશિયન અને યુરોપીયન બેંકો આ ડીલમાં ભાગ લે છે.
અદાણી ગ્રૂપે માર્ચ 2024માં અલગ-અલગ મુદતની આ લોનની ચુકવણી કરવાની હતી. તેના બદલે, તે બેંકિંગ સિસ્ટમમાં વધુ વિશ્વાસ પ્રદાન કરવા માટે તેમને છ મહિના અગાઉથી ચૂકવણી કરી રહી છે. ચુકવણીની સમયમર્યાદાને 2027 સુધી પાછળ ધકેલી દેવા ઉપરાંત, આ કવાયત માત્ર ઉધાર ખર્ચમાં જ નહીં પરંતુ જૂથના ક્રેડિટ રેટિંગમાં પણ સુધારો કરશે. પુન:ધિરાણ અદાણીને સિમેન્ટ ક્ષમતાના વિસ્તરણમાં પણ મદદ કરશે, જે હવે દેશની બીજા ક્રમની સૌથી મોટી છે, અને એસેટ-બિલ્ડિંગ પ્લાનને ભંડોળ પૂરું પાડશે જેનું લક્ષ્ય 2027 સુધીમાં સ્થાપિત ઉત્પાદનને વાર્ષિક 140 મિલિયન ટન સુધી વધારવાનો છે. વર્તમાન અદાણી જૂથની ક્ષમતા લગભગ 110 મિલિયન ટન છે, જેમાં અમલીકરણ હેઠળના લગભગ 40 મિલિયન ટન સમાવેશ થાય છે.
