દેશમાં પ્રેમ, શાંતિ અને પરસ્પર ભાઈચારાથી જ આઝાદીનું અમૃત પ્રાપ્ત થશે આચાર્ય લોકેશજી

આચાર્ય લોકેશજી અને આચાર્ય પુલકસાગરજીની ઉપસ્થિતિમાં સર્વધર્મ મહા-સંમેલન યોજાયું

ઔરંગાબાદમાં પ્રથમ વખત, આઝાદીના અમૃતમહોત્સવ નિમિત્તે, શ્રી ખંડેલવાલ દિગંબર જૈન પંચાયત પાર્શ્વનાથ મંદિર અને ભારતનાં ગૌરવ આચાર્ય શ્રી પુલક સાગરજી વર્ષા યોગ સમિતિ 2022 દ્વારા સર્વ ધર્મ મહા સંમેલનનું આયોજન કરવામાં આવ્યું હતું. આ સંમેલનમાં ભારત ગૌરવ આચાર્ય શ્રી પુલક સાગરજી, વિશ્વ શાંતિ દૂત જૈન આચાર્ય ડો.લોકેશજી, ભારતના સર્વ ધર્મ સંસદના ક્ધવીનર ગોસ્વામી સુશીલજી મહારાજ, મુસ્લિમ ધર્મના ચીફ ઈમામ ઉમર અહેમદ ઈલ્યાસીજી, શીખ ધર્મના બાંગ્લા સાહિબ ગુરુદ્વારાનાં ચેરમેન પરમજીતજી મુખ્યત્વે સંબોધન કર્યું હતું.

ઔરંગાબાદમાં પ્રથમ વખત આયોજિત સર્વધર્મ મહા સંમેલનમાં તમામ ધાર્મિક સંતોને સાંભળવા માટે હજારો લોકો ઉપસ્થિત રહ્યા હતા. વિશ્વ શાંતિદૂત જૈન આચાર્ય ડો.લોકેશજીએ જણાવ્યું હતું કે, દેશમાં એકતા, સૌહાર્દ, સમરસતા અને સમન્વય માટે આ પ્રકારનું સર્વ ધર્મ સંમેલન ખૂબ જ જરૂરી છે, દેશમાં પ્રેમ, શાંતિ અને પરસ્પર ભાઈચારાથી જ આઝાદીનું અમૃત પ્રાપ્ત થશે.

તેમણે ઔરંગાબાદમાં સર્વ ધર્મ મહા સંમેલનનું આયોજન કરવા બદલ આચાર્ય પુલક સાગરજીની પ્રશંસા કરી અને કહ્યું કે આનાથી દેશના અન્ય પ્રાંતોને પ્રેરણા મળશે. આચાર્ય લોકેશજીએ જણાવ્યું હતું કે, ભગવાન મહાવીરના આનેકાંત દર્શન દરેકને એક સાથે જોડવાનું કામ કરે છે. ભારત ગૌરવ આચાર્ય શ્રી પુલક સાગરજીએ કહ્યું કે દેશને મજબૂત બનાવવા માટે સાંપ્રદાયિક સૌહાર્દ જાળવવાની જરૂર છે.

આપણે ક્યારેય ભૂલવું ન જોઈએ કે પ્રેમ પ્રેમને જન્મ આપે છે અને નફરત નફરતને જન્મ આપે છે. આપણો માર્ગ પ્રેમ અને અહિંસાનો હોવો જોઈએ. નફરત અને હિંસા એ તમામ કારની અનિષ્ટોનું મૂળ છે. સંતો-મહાત્માઓ અને ધર્મગુરુઓનો આ જ સંદેશ રહ્યો છે. તેમણે ભારતીય સંસ્કૃતિ અને જૈન ધર્મને વિશ્વભરમાં ફેલાવવા બદલ આચાર્ય ડો. લોકેશજીની પ્રશંસા કરી. હિંદુ ધર્મમાંથી ભારતીય ધર્મ સંસદના સંયોજક ગોસ્વામી સુશીલજી મહારાજે જણાવ્યું હતું કે, આજના યુગમાં સમાજમાં ચાલી રહેલી બુરાઈઓથી બચવા આપણે દરેક જાતિ અને ધર્મના લોકો સાથે મળીને રહેવું જોઈએ,

શીખ સંપ્રદાયના બાંગ્લા સાહિબ ગુરુદ્વારાના અધ્યક્ષ પરમજીત સિંહજી  જણાવ્યું હતું કે ભારતમાં રહીને આજે આપણે ધર્મની વાસ્તવિકતા સમજવાની જરૂર છે, ધર્મ આપણને એક થવાનું શીખવે છે, તોડવાનું નહીં. જ્યાં ધર્મ હોય ત્યાં હિંસા અને નફરત ન હોઈ શકે. આઝાદીના 75માં વર્ષમાં આપણે સૌએ પરસ્પર એકતા અને સૌહાર્દને વધુ મજબૂત કરવા માટે કામ કરતા રહેવાનું છે. આ પ્રસંગે ખંડેલવાલ દિગંબર જૈન પંચાયત પાર્શ્વનાથ મંદિર અને ભારત ગૌરવ આચાર્ય શ્રી પુલક સાગરજી વર્ષા યોગ સમિતિ વતી સંસ્થાના પ્રમુખે તમામ ધર્મના સંતોને આવકારતા જણાવ્યું હતું કે આવા સંમેલનો દેશના ખૂણે ખૂણે યોજાવા જોઈએ. જેનાથી દેશનું વાતાવરણ સારું રહેશે, જેના કારણે આપણો દેશ પ્રગતિ કરશે.