શહેર બ્રહ્મ ભવન ખાતે બ્રહ્મ સમાજના આગેવાનીમાં પરશુરામ જન્મ જયંતીની સાદગીપૂર્ણ ઉજવણી કરાઈ હતી. બ્રહ્મ ભવન હોલમાં બ્રહ્મ સમાજના આરાધ્ય દેવ ભગવાન પશુરામની ગઈકાલે જન્મ જયંતી નિમિતે સમસ્ત બ્રહ્મસમાજના પ્રમુખ પ્રદીપભાઈ જોષીની આગેવાનીમાં ભગવાન પરશુરામની તસ્વીરને ફૂલહાર કરી મહાઆરતી ઉતારાઈ હતી.
આ આરતીમાં હાલ ભારત દેશ કોરોના નામનો રોગની મહામારીમાંથી વહેલો બહાર આવે તેવી પ્રાર્થના કરાઈ હતી.આ તકે સમસ્ત બ્રહ્મ સમાજના પ્રમુખ પ્રદીપભાઈ જોષી, ઉપપ્રમુખ દિલીપભાઈ જોષી, નગર સેવક જીજ્ઞેશભાઈ વ્યાસ, પરશુરામ સોશ્યલ ગ્રુપના પ્રમુખ નિશિથ વ્યાસ, સુહાગભાઈ દવે, નિમેષભાઈ જોષી વિગેરે હાજર રહ્યા હતા.
