શહેરની ટ્રાફિક સમસ્યના ઉકેલ માટે વાહન ચાલકોમાં ટ્રાફિક નિયમન અંગે જાગૃતિ આવે તે માટે પોલીસ અવાર નવાર નવતર પ્રયાસો કરી રહ્યા છે. ત્યારે ગઇકાલે સાંજે જિલ્લા પંચાયત ચોક ખાતે સાંજના ટ્રાફિક નિયમનનું પાલન કરનાર વાહન ચાલકને સાન્તા કલોઝના હસ્તે આઇસ્ક્રીમ આપી સન્માનીત કર્યા હતા જ્યારે ટ્રાફિક નિયમનો ભંગ કરનારને દંડીત કર્યા હતા. જિલ્લા પંચાયત ચોક ખાતે પોલીસે ટ્રાફિક જાગૃતિ માટે સાન્તા કલોઝ, મિકી માઉન્સ અને ડોનાલ્ડના વેશભૂષા સાથે કરેલી કામગીરીથી લોકોમાં આકર્ષિત બન્યા હતા. સમગ્ર કાર્યક્રમ દરમિયાન પોલીસ કમિશનર મનોજ અગ્રવાલ અને જોઈન્ટ પોલીસ કમિશનર સિધ્ધાર્થ ખત્રી ઉપસ્થિત રહ્યા હતા.
