નવા સુરજદેવળ મંદિરે ઉપવાસ પર્વના પ્રારંભે સૂર્યરથ અને શોભાયાત્રાનું ભવ્ય સ્વાગત

શ્રી નવા સુરજ દેવળ મંદિર મુકામે  ઉપવાસ પર્વના પ્રથમ દિવસે ચોટીલા તાલુકાના નાવા ગામેથી સૂર્ય રથ તેમજ ઘોડેસ્વારો સાથે શોભાયાત્રાની શરૂઆત કરવામાં આવી હતી જેમાં ચોટીલા રાજવી પરિવારના બળવીરભાઈ ખાચર તેમજ  જયદીપભાઇ ખાચર અને નાવા ગામ સમસ્ત શ્રી સૂર્યરથ યાત્રાની નવાગામના રામજી મંદિરથી સામૈયા કરી અને વાજતે ગાજતે ધામધૂમ પૂર્વક રથયાત્રાનું નવા સુરજદેવળ મંદિર તરફ પ્રસ્થાન કરાવ્યું હતું અને સેવાનો લાભ લીધો હતો  જેમાં મોટી સંખ્યામાં કાઠી દરબારો સૂર્ય ઉપાસકો અને ઘોડેશ્વારો તેમજ મોટી સંખ્યામાં જનમેદની સાથે શોભાયાત્રી નીકળી હતી જે શ્રી નવા સુરજદેવળ મંદિર મુકામે ઉષ્માભેર સ્વાગત કરવામાં આવ્યું હતું જેમા ઉપવાસના પ્રથમ દિવસે સૌવે દર્શનનો લાહવો લઈ અને ધન્યતા અનુભવી હતી.