- વેસુ વિસ્તારમાં ફલેટમાં આગનો બનાવ આવ્યો સામે
- હેપ્પી એક્સેલેન્સિયામાં આગ લાગતા ફાયર વિભાગની ટીમે ઘટના સ્થળ પર પહોંચી આગ પર કાબુ મેળવવા પ્રયાસ શરુ કર્યા
- ગૃહમંત્રી હર્ષ સંઘવી પણ ઘટના સ્થળે પહોંચ્યા
ગુજરાતમાં અવારનવાર આગ લાગવાની ઘટના બનતી હોય છે. ઉનાળાની શરૂઆત થતાં રાજ્યમાં આગ લાગવાના બનાવો સતત વધી રહ્યા છે. ત્યારે સુરતના વેસુ વિસ્તારમાં આગ લાગવાની ઘટના સામે આવી છે. વેસુ વિસ્તારમાં આવેલા હેપ્પી એન્કલેવ ફ્લેટ આગ લાગી છે. આગ લાગતાં જ ગૃહ મંત્રી હર્ષ સંઘવી ઘટના સ્થળે પહોંચ્યા હતા. તેમજ આગ લાગવાની ઘટના બનતા જ આસપાસના વિસ્તારોમાં અફરાતફરીનો માહોલ સર્જાયો હતો.
અનુસાર માહિતી મુજબ, સુરતના વેસુ વિસ્તારમાં આવેલા હેપ્પી એન્કલેવના સાતમાં માળે લાગી આગ હતી. સાતમાં માળ પર આગ લાગતા જ ફ્લેટના ત્રણ માળ આગની લપેટમાં આવ્યા હતા. ભીષણ આગ લાગતા જ ધુમાડાના ગોટે ગોટા દૂર દૂર સુધી જોવા મળ્યા હતા. આ ઉપરાંત ઘટનાની જાણ થતા જ ફાયર વિભાગની 10 જેટલી ટીમ ઘટના સ્થળે પહોંચી આગ પર કાબુ મેળવવાનો પ્રયાસ હાથ ધરવામાં આવ્યો છે.
ઉચ્ચ અધિકારીઓ ઘટનાસ્થળે પહોંચ્યા
મળતી માહિતી મુજબ, આ બિલ્ડીંગ નવી જ બનાવવામાં આવી હતી. ગૃહમંત્રી હર્ષ સંઘવીની સોસાયટીમાં આગ લાગતા મેયર, કમિશનર સહિતના તમામ ઉચ્ચ અધિકારીઓ ઘટના સ્થળે પહોંચ્યા હતા. પરંતુ હજી આગ ક્યાં કારણોસર લાગી હતી તે અકબંધ છે. સદનસીબે આગમાં કોઈ પણ પ્રકારની જાનહાનિ થઈ ન હોવાનું સામે આવી રહ્યું છે. પરંતુ વારંવાર સુરતમાં અવારનવાર આગ લાગવાની ઘટના સામે આવતા અનેક સવાલો ઉભા થઈ રહ્યાં છે.
