કોરોના કાળ દરમિયાન કર્મચારી ભવિષ્ય નિધિ સંગઠન (ઇપીએફઓ)એ ઘણા નિયમોમાં ફેરફાર કર્યા છે. ડિજિટલ માધ્યમથી કરી શકાય તેવી ઘણી વ્યવસ્થાઓ શરૂ કરવામાં આવી છે. ઇપીએફઓની નવી સિસ્ટમથી પીએફ ખાતા ધારકોને ફાયદો થવાની સંભાવના છે.
ઇપીએફઓ હેઠળ આવરી લેવામાં આવેલા કર્મચારીઓની વીમા રકમ વધારીને 7 લાખ કરવામાં આવી છે. વાસ્તવમાં કર્મચારી ડિપોઝિટ લિંક્ડ ઇન્સ્યુરન્સ સ્કીમ (EDLI) એક વીમા યોજના છે જે ઇપીએફઓના કર્મચારીઓને આપવામાં આવે છે. જો નોકરીના સમયગાળા દરમિયાન ઇપીએફઓના સક્રિય કર્મચારીનું અવસાન થાય છે, તો તેના નોમિનીને 6 લાખ રૂપિયા સુધીની એકમ રકમ ચૂકવવામાં આવે છે.
ઇપીએફઓએ તેના શેરહોલ્ડરોની ફરિયાદોના ઝડપી નિરાકરણ માટે વોટ્સએપ હેલ્પલાઈન સેવા શરૂ કરી છે. આ પહેલ દ્વારા પીએફ શેરહોલ્ડરો ઇપીએફઓના પ્રાદેશિક કચેરીઓ સાથે વ્યક્તિગત સ્તરે સીધો સંપર્ક કરી શકે છે. હવે ઇપીએફઓના તમામ 138 પ્રાદેશિક કચેરીઓમાં વોટ્સએપ હેલ્પલાઈન સેવાઓ શરૂ કરવામાં આવી છે. તમામ પ્રાદેશિક કચેરીઓની વોટ્સએપ હેલ્પલાઈન નંબર ઇપીએફઓની સત્તાવાર વેબસાઇટ પર ઉપલબ્ધ છે.
આ ઉપરાંત EPFOએ EPS સભ્યોને કર્મચારી પેન્શન યોજના, 1995 હેઠળ યોજનાના પ્રમાણપત્ર માટે અરજી કરવા સક્ષમ બનાવ્યું છે. યોજનાનું પ્રમાણપત્ર એવા સભ્યોને જારી કરવામાં આવે છે જેઓ EPFનું યોગદાન પાછું લે છે પરંતુ નિવૃત્તિની ઉંમરે પેન્શન લાભ મેળવવા માટે EPFO સાથે તેમનું સભ્યપદ જાળવી રાખવા માગે છે.
