આજે ગુજરાત વિધાનસભામાં ગુજરાતનું બજેટ રજૂ કરશે. બપોરે 12 વાગ્યાની આસપાસ સત્રની કામગીરી શરૂ થશે. જેમા એક કલાક સુધી ગૃહમાં પ્રશ્નોત્તરી ચાલશે. આ પ્રશ્નોત્તરીમાં સામાન્ય વહીવટ વિભાગ, ઉદ્યોગ, ગૃહ શહેરી વિકાસ, બંદરો, ખાણ ખનીજ સહિત પેટ્રોકેમિકલ્સ અને ક્લાયમેટ ચેન્જ જેવા મુદ્દાઓ હશે. આ ઉપરાંત પોલીસ, હાઉસિંગ, બોર્ડર સિક્યોરિટી સિવિલ ડિફેન્સ, જેલ તથા નશા બંધી પર ચર્ચા કરાશે. બપોરના સેશનમાં નાયબ મુખ્યપ્રધાન નીતિન પટેલ 2017-18ના વર્ષનું ખર્ચ પૂરક પત્રક રજૂ કરશે અને ત્યારબાદ વર્ષ 2018-19નું અંદાજપત્રક રજૂ થશે. દેશમાં જીએસટી લાગુ થયા બાદ ગુજરાતનું આ પ્રથમ બજેટ છે જેથી ટેક્સેશનનો ભાગ આ બજેટમા નહી હોય માત્ર યોજનાકીય ફાળવણી અને વિવિધ યોજનાની જાહેરાતો હશે.
