શહેરના ૧૫૦ ફુટ રીંગ રોડ પર રૈયા ચોકડી પાસે હાલ ફલાય ઓવરબ્રીજ બનાવવાનું કામ ચાલી રહ્યું છે. દરમિયાન આજે સવારે બ્રીજના કોન્ટ્રાકટરના માણસોએ ખોદકામ દરમિયાન ડ્રેનેજની લાઈન તોડતા જળબંબાકાર જેવી સ્થિતિ સર્જાય જવા પામી હતી. ડ્રેનેજની લાઈન શીફટીંગ કરવામાં આવી છે તે નવી લાઈન અને જુની લાઈનનો જોઈન્ટ જયાં ભેગો થાય છે ત્યાં બ્રીજ પોશનમાં ડ્રેનેજની લાઈનમાં ભંગાણ સર્જાયું હતું. આ ભંગાણના કારણે કોઈ અવ્યવસ્થા સર્જાય ન હતી. તાત્કાલિક રીપેરીંગની કામગીરી શરૂ કરી દેવામાં આવી હતી.
