- ભાવનગર તળાજા હાઈવે પર ભયાનક અકસ્માત, લક્ઝરી બસ ડમ્પમાં ઘુસી જતા 6 ને કાળ ભરખ્યો,15 થી વધુ ઘાયલ
ફુલગુલાબી ઠંડીની મંગળવારે વહેલી સવારે ભાવનગર તળાજા હાઈવે પર ગમખ્વાર અકસ્માત સર્જાયો હતો. આ અકસ્માતમાં 6 લોકોના કરૂણ મો*ત નિપજ્યા હતા. તો અકસ્માતમાં 15થી પણ વધારે લોકો ઘાયલ થયા છે. તળાજાના ત્રાપજ બાયપાસ હાઈવે પર આ ઘટના બની હતી, જેમાં ખાનગી લક્ઝી બસ બંધ ડમ્પરમાં ઘુસી જતા રસ્તા પર લોહીની નદી વહી હતી.
મળતી માહિતી અનુસાર, ભાવનગર-સોમનાથ નેશનલ હાઇવે પર ત્રાપજ નજીક સર્જાયેલા અકસ્માતમાં બસની એક બાજુના ભાગનો કચ્ચરઘાણ વળી ગયો હતો. ઘટનાની જાણ થતાં પોલીસ ઘટનાસ્થળે પહોંચી હતી અને બસના પતરા કાપીને મૃ*તદેહોને બહાર કાઢવામાં આવ્યા હતા. હાલ ઇજાગ્રસ્તોને સારવાર અર્થે ખસેડીને પોલીસે વધુ તપાસ હાથ ધરી છે.
લક્ઝરીના અડધા ભાગનો નીકળ્યો કચ્ચરઘાણ
આ ગોઝારા અકસ્માતની જાણ થતાં આજુ બાજુના લોકો અને અન્ય વાહનચાલકો પણ એકઠા થઇ ગયા હતા અને પોલીસ સહિત 108ને જાણ કરી હતી. ઘટનાની જાણ થતાં પોલીસ તંત્ર અને એમ્બ્યુલન્સ ઘટનાસ્થળે પહોંચી હતી અને તુરંત ઇજાગ્રસ્તોને સારવાર અર્થે ખસેડવામાં હતા. આ અકસ્માત એટલો ભયાનક હતો ખાનગી ટ્રાવેલ્સ બસનો એક બાજુના અડધા ભાગનો કચ્ચરઘાણ વળી ગયો હતો.
