- સંગીત ઉદ્યોગની વાર્ષિક 12,000 કરોડ રૂપિયાની આવક: પેઇડ સબસ્ક્રીપ્શન લઈ લોકો મોટા પ્રમાણમાં એપ ઉપરથી સંગીત સાંભળતા થયા
ભારતનો સંગીત ઉદ્યોગ સ્થાનિક અને વૈશ્વિક બન્ને રીતે મહત્વપૂર્ણ માર્કેટ તરીકે ઝડપથી ઉભરી રહ્યો છે, આ ક્ષેત્રની કંપનીઓ તેમના રોકાણમાં વધારો કરવાનો લક્ષ્યાંક ધરાવે છે, ટોચના મીડિયા એક્ઝિક્યુટિવ્સે જણાવ્યું હતું કે, આ વૃદ્ધિ સંગીત સ્ટ્રીમિંગના ઉદયને કારણે થઈ છે, જેણે ઉદ્યોગને પુનજીર્વિત કર્યો છે.
સારેગામાના એમડી વિક્રમ મહેરાએ જણાવ્યું હતું કે ભારત સંગીત ઉદ્યોગ માટે આગામી મુખ્ય વૃદ્ધિ બજાર બનવા માટે તૈયાર છે. તેમણે કહ્યું કે એકવાર બે સૌથી મોટા વિડિયો પ્લેટફોર્મ, ડિઝની+ હોટસ્ટાર અને જિયો સિનેમાના મર્જરને આખરી ઓપ આપવામાં આવશે, ત્યારે મુખ્ય રોકાણકારોનું ધ્યાન સંગીત સ્ટ્રીમિંગ તરફ જશે. મહેરાએ જણાવ્યું હતું કે, “કોઈપણ જે વૈશ્વિક સ્તરે સંગીત ઉદ્યોગને અનુસરે છે તે સમજે છે કે સબ્સ્ક્રિપ્શન સેવાઓ આખરે ભારતમાં વધુ મોટા પાયે શરૂ થવા જઈ રહી છે – તેને વધુ 12 થી 15 મહિના આપો,” મહેરાએ કહ્યું. મહેરાએ કહ્યું કે હાલમાં માત્ર બે પ્લેટફોર્મ – સ્પોટીફાય અને જીઓ સાવન – મફત સેવાઓ આપે છે. જો કે, તે અપેક્ષા રાખે છે કે આ પ્લેટફોર્મ્સ આખરે સંપૂર્ણ પેઇડ મોડલ પર સંક્રમણ કરશે, જે ભારતને સબ્સ્ક્રિપ્શન-આધારિત વૃદ્ધિ તરફ દોરી જશે.
અહેવાલ મુજબ ભારતમાં સંગીત ઉદ્યોગ વાર્ષિક 12,000 કરોડ રૂપિયાની આવક પેદા કરે છે, જે ભારતીય મીડિયા અને મનોરંજન ક્ષેત્રના લગભગ 6% છે. રિપોર્ટમાં વધુમાં જણાવાયું છે કે ભારત દર વર્ષે 20,000 થી 25,000 અસલ ગીતોનું નિર્માણ કરે છે, જે 40,000 થી વધુ સંગીત વ્યાવસાયિકો દ્વારા બનાવવામાં આવે છે.
રિપોર્ટમાં સ્ટ્રીમિંગ, ફિલ્મ, ટેલિવિઝન, રેડિયો, ગેમિંગ અને સોશિયલ મીડિયા સહિત વિવિધ મીડિયા પ્લેટફોર્મમાં સંગીતની અભિન્ન ભૂમિકાને પણ પ્રકાશિત કરવામાં આવી છે.
તાજેતરના અર્નિંગ કોલમાં, ઝી એન્ટરટેઇનમેન્ટના સીઇઓ પુનિત ગોએન્કાએ મ્યુઝિક બિઝનેસની નફાકારકતા અને વૃદ્ધિની સંભાવનાઓ પર પ્રકાશ પાડ્યો હતો, જેમાં ઝી મ્યુઝિક કંપની તેના કેટલોગને વિસ્તારવા અને માર્જિન વધારવા પર ધ્યાન કેન્દ્રિત કરી રહી છે. ગોએન્કાએ વિશ્લેષકોને જણાવ્યું હતું કે, “મને લાગે છે કે અમે જે સેગમેન્ટ ચલાવીએ છીએ તેના મુખ્ય સ્તંભોમાંનું એક સંગીત છે. હું સાચે જ માનું છું કે મ્યુઝિક આગળ જતા કંપની માટે એક મહત્વપૂર્ણ સંપત્તિ બની રહેશે અને અમે તેની પાછળ રોકાણ કરવાનું ચાલુ રાખીશું.”
મ્યુઝિક કંપની ટિપ્સ ઈન્ડસ્ટ્રીઝના સીએમડી કુમાર તૌરાનીએ વિશ્લેષકોને જણાવ્યું હતું કે કંપની એક્વિઝિશન માટે ખુલ્લી છે, પરંતુ હાલમાં કોઈ સક્ષમ તક દેખાતી નથી. તૌરાનીએ કહ્યું, “અમારી પાસે હાલમાં એવી કોઈ વિઝિબિલિટી નથી કે જે આપણે મેળવી શકીએ; હજી સુધી કંઈ ઉપલબ્ધ નથી. તેથી અમે માત્ર રાહ જોઈ રહ્યા છીએ, અને અમારી પાસે રોકડ છે. જો તક મળશે, તો અમે ચોક્કસપણે તેનો લાભ લઈશું.
