- હાપા ખારી વિસ્તારમાં હ*ત્યાનો પ્રયાસ કરનાર બે આરોપી પકડાયા
- માલધારી યુવાન પર જૂની અદાવતના કારણે કરાયો જીવલેણ હુ*મલો
- હથિયારો વડે હુ*મલો કરી હ*ત્યાનો પ્રયાસ કર્યાની ફરિયાદ નોંધાયા બાદ કરાઈ કાર્યવાહી
- જામનગરના હાપા ખારી વિસ્તારમાં માલધારી યુવાન ની હ*ત્યા નો પ્રયાસ કરવા અંગે ના ગુન્હામાં ફરારી બે આરોપી પકડાયા
જામનગર નજીક હાપા ખારી વિસ્તારમાં રહેતા એક માલધારી યુવાન પર જૂની અદાવતના કારણે જીવલેણ હુ*મલો કરી ત્રણ આરોપીઓ ભાગી છૂટ્યા હતા, જે હ*ત્યા પ્રયાસ ના ગુનામાં નાસ્તા ફરતા ત્રણ આરોપીઓ પૈકી પોલીસે બે હુ*મલાખોરો ને ઝડપી લીધા છે, અને રિમાન્ડ પર લેવા કાર્યવાહી હાથ ધરી છે.જામનગર નજીક હાપા ખારી વિસ્તારમાં રહેતા અને માલ ઢોર ચરાવવાનો વ્યવસાય કરતા પુંજાભાઈ જેસુરભાઈ સોરીયા નામના ૩૬ વર્ષના ચારણ યુવાન પર ગત 7 મી તારીખે રાજપાર્ક વિસ્તારમાં રહેતા હિતેશ બાંભણિયા, દિપક નાનજી રાઠોડ, તેમજ ઇન્દ્રજીત ભુપતભાઈ ડાભી નામના ત્રણ શખ્સોએ છરી-ધોકા-પાઇપ જેવા હથિયારો વડે હુમલો કરી હત્યાનો પ્રયાસ કર્યા ની ફરિયાદ પોલીસમાં નોંધાવાઇ હતી,
ત્યારબાદ ત્રણેય આરોપીઓ ફરાર થઈ ગયા હતા, જેઓને પોલીસ શોધી રહી હતી, દરમિયાન આજે સવારે પોલીસે ત્રણ આરોપીઓ પૈકીના બે આરોપી દિપક નાનજી રાઠોડ, તેમજ ઇન્દ્રજીત ભુપતભાઈ ડાભી ની અટકાયત કરી લીધી છે, અને અદાલત સમક્ષ રજૂ કરીને રિમાન્ડ પર લેવા કાર્યવાહી હાથ ધરી છે. ઉપરાંત કે આજે મુખ્ય સૂત્રધાર એવા ત્રીજા આરોપીની શોધખોળ ચલાવવામાં આવી રહી છે.
અહેવાલ : સાગર સંઘાણી
