અમદાવાદના ફ્લાવર શોમાં હવે એક લટાર મારવી મોંઘી પડશે. કારણ કે, ફ્લાવર શોને પણ મોંઘવારી નડી છે. તેમજ આ વર્ષે ફ્લાવર શોની ટિકિટના ભાવમાં તોતિંગ વધારો કરી દેવાયો છે. ત્યારે આ વર્ષે ટિકિટનો ભાવ 70 રૂપિયા કરી દેવાયો છે. જે ગત વર્ષે 50 રૂપિયા હતો.
ફ્લાવર શૉની એન્ટ્રી ફી વધારો
અમદાવાદ મહાનગરપાલિકા દ્વારા ફ્લાવર શોની તડામાર તૈયારીઓ ચાલી રહી છે. ત્યારે 1 જાન્યુઆરી, 2025 થી ફ્લાવર શોની શરૂઆત થશે. ફલાવર શો 2025 માટે ટિકિટના દર નક્કી કરાયા છે. પરંતુ ગત વર્ષ કરતા ફલાવર શો જોવો મોંઘો પડશે. ત્યારે આગામી 1 જાન્યુઆરી 2025ના રોજ ફલાવર શો ખુલ્લો મૂકવામાં આવશે. આ દરમિયાન રાજ્યના મુખ્યમંત્રી ભુપેન્દ્ર પટેલ ફલાવર શોને અમદાવાદી સામે ખુલ્લો મુકશે. આ દરમિયાન અંદાજીત 15 કરોડના ખર્ચે ફલાવર શો – 2025 નું આયોજન કરાયુ છે. જેના માટે સોમવારથી શુક્રવાર દરમ્યાન પ્રવેશ ફી 70 રૂ નક્કી કરાયા છે. તો ફલાવર શોમાં શનિ અને રવિવારે પ્રવેશ ફી 100 રૂપિયા રહેશે.
ત્યારે આ વર્ષે ફલાવર શો નિહાળવા માટે VVIP પ્રાઇમ સ્લોટ રાખવામા આવ્યો છે. જે સવારે 8 થી 9 અને રાત્રે 10 થી 11 દરમિયાન રહેશે. VVIP સ્લોટ માટે પ્રવેશ ફી 500 રૂપિયા નક્કી કરવામાં આવી છે. આ ઉપરાંત એએસમી સ્કૂલના વિધાર્થીઓ વિનામૂલ્યે ફ્લાવર શો નિહાળી શકશે. તેમજ ખાનગી સ્કૂલના બાળકો માટે 10 રૂપિયા ટિકીટ રહેશે, તેવું એએમસીના સ્ટેન્ડીંગ કમિટિના ચેરમેને જણાવ્યું હતું.
ગત વર્ષ કરતા કેટલો ભાવ વધાર્યો
ગત વર્ષે સોમથી શુક્ર 12 વર્ષથી ઉપરના માટે રૂ.50 અને શનિ રવિ માટે રૂ.75 પ્રવેશ ફી રાખવામાં આવી હતી. જેની સામે આ વર્ષે સોમવારથી શુક્રવાર દરમ્યાન પ્રવેશ ફી 70 રૂ નક્કી કરાયા છે. તો ફલાવર શોમાં શનિ અને રવિવારે પ્રવેશ ફી 100 રૂપિયા રહેશે. એટલે કે, ટિકિટના દરમાં સીધો 30 રૂપિયાનો ભાવ વધારો કરાયો છે.
