ખ્યાતિ હોસ્પિટલ કાંડ : સીઈઓ ચિરાગ રાજપૂત સહિત પાંચને ઝડપી લેતી અમદાવાદ ક્રાઇમ બ્રાન્ચ

• બેને ખેડાના ફાર્મહાઉસ અને ત્રણ શખ્સોને ઉદયપુરથી ઉઠાવી લાવતી પોલીસ : રિમાન્ડની તજવીજ

અમદાવાદની ખ્યાતિ હોસ્પિટલ કાંડમાં પોલીસ દ્વારા કડક કાર્યવાહી કરવામાં આવી રહી છે. ત્યારે હોસ્પિટલના સીઈઓ ચિરાગ રાજપૂત સહીત 5 આરોપીની ધરપકડ કરી હતી. આરોપીઓને ખેડા અને રાજસ્થાનથી ઝડપી લેવામાં આવ્યા હતા. હાલ આરોપીઓની આકરી પૂછપરછ શરૂ કરવામાં આવી છે. જયારે બીજી બાજુ પાંચેય આરોપીઓના રિમાન્ડ મેળવવા તજવીજ હાથ ધરવામાં આવી છે.

અમદાવાદની ખ્યાતિ હોસ્પિટલ દર્દીના મોતનો મામલે પોલીસ દ્વારા આરોપીઓને ઝડપવા માટે તમામ પ્રકારના પ્રયાસો કરવામાં આવ્યા હતા. ત્યારે આજરોજ આ ઘટનાના આરોપીઓમાંથી 5 આરોપીને પોલીસ ઝડપી પાડ્યા હતા. જેમાં ચિરાગ રાજપૂત, મિલિંદ પટેલ ખેડાના ફાર્મ હાઉસમાંથી ઝડપાયા હતા. જ્યારે રાહુલ જૈનને રાજસ્થાનના ફાર્મ હાઉસમાંથી ઝડપવામાં આવ્યો હતો.

ત્યારે હાલમાં વધુ બે આરોપી પંકીલ પટેલ, પ્રદીપ ભટ્ટ સહિત 5 આરોપીની પોલીસે ધરપકડ કરી હતી. જે બાદ વધુ તપાસ કરવામાં આવતા ચોંકાવનારા ખુલાસા થઇ શકે તેમ છે. ત્યારે આરોપીઓ ફાર્મ હાઉસમાં છુપાયા ત્યારે મોંઘી વસ્તુઓ મંગાવી હતી. સમગ્ર ઘટના અંગે ક્રાઇમ બ્રાન્ચને બાતમી મળતા તુરંત સર્ચ કરવામાં આવ્યું હતું. ત્યારે આ આરોપીઓ ફાર્મમાંથી ઝડપાયા હતા.

ભેજાબાજ તબીબોએ પોલીસને ગેરમાર્ગે દોરવા મોબાઈલ બીજા લોકેશનમાં મોકલી દીધા’તા

પોલીસથી બચવા આરોપીએ દ્રશ્યમ ફિલ્મ જેવી ટેક્નિક વાપરી હતી. જેમાં આરોપીઓએ મોબાઈલ બીજા લોકેશનમાં મોકલી આપ્યા હતા. જેથી પોલીસ લોકેશન મેળવી શકે નહીં. ત્યારે હાલમાં ક્રાઇમ બ્રાન્ચે 5 આરોપીની ધરપકડ કરી તપાસ શરૂ કરી છે.

ડાયરેકટર કાર્તિક પટેલ સહિત હજુ ત્રણ આરોપીઓ ફરાર

ખ્યાતિ હોસ્પિટલ કાંડમાં હાલ સુધીમાં કુલ સીઈઓ ચિરાગ રાજપૂત, રાહુલ જૈન, મિલિન્દ પટેલ, પંકિલ પટેલ, પ્રદીપ ભટ્ટ અને પ્રશાંત વજીરાણી એમ કુલ છ આરોપીઓની ધરપકડ કરી લેવામાં આવી છે જયારે હોસ્પિટલનો ડાયરેક્ટર ડો. કાર્તિક પટેલ, રાજેશ્રી કોઠારી અને ડો સંજય પટોલીયા હજુ ફરાર છે.