આપણે વુમન્સ ડે, ડોટર્સ ડે, મધર્સ ડે, ફાધર્સ ડે, આ બધા દિવસો ઉજવતા હોઈએ છીએ. પણ હકીકતમાં આપણે સમાજમાં એક દ્રષ્ટી કરીએ તો કોઈપણ મંચ પરથી કે પુસ્તકો કે પછી લેખોમાં આપણે ત્યાં હંમેશા સ્ત્રીના, દિકરીના, માં ના, આ બધા જ પાત્રોના ગુણગાન ગાયા છે જે ખૂબ સારી બાબત છે, પરંતુ ઉદ્ભવતો એક પ્રશ્ન સતત સતાવ્યા કરે આખરે પુરુષની વેદના કે વ્યથા કોણ સમજ્યું? પુરુષ વિશે લખાયું છે એ વાત સાચી પરંતુ ખૂબ ઓછા પ્રમાણમાં. ત્યારે આજે વાત કરવી છે વિશ્વ પુરુષ દિવસના ઉજવણી.
International Men’s Day 2024 : આંતરરાષ્ટ્રીય પુરૂષ દિવસ દર વર્ષે પુરુષોના માનસિક વિકાસ, લિંગ સમાનતા અને સકારાત્મક ગુણોની પ્રશંસા કરવાના ઉદ્દેશ્ય સાથે ઉજવવામાં આવે છે. પુરુષો રાષ્ટ્ર, સમાજ અને પરિવારના અડીખમ આધારસ્તંભ છે. આ લેખ દ્વારા, ચાલો જાણીએ કે મેન્સ ડે ઉજવવાનું મુખ્ય કારણ શું છે.
International Men’s Day 2024 : મહિલાઓને સમાન અધિકારો અને સન્માન આપવા માટે ઘણા પ્રયત્નો કરવામાં આવી રહ્યા છે. જો કે, સમાજ અને રાષ્ટ્રનો વિકાસ માત્ર મહિલાઓ કે માત્ર પુરુષો પર નિર્ભર નથી. આ માટે સ્ત્રી અને પુરુષ બંનેનું મહત્વ અને યોગદાન જરૂરી છે. મહિલા સશક્તિકરણ માટે ઘણું કામ થઈ રહ્યું છે, જો કે, પુરુષોની સુખાકારી અને સ્વાસ્થ્ય વિશે જાગૃતિ વધારવાની પણ જરૂર છે.
તો ચાલો જાણીએ કે મેન્સ ડે ઉજવવાનું મુખ્ય કારણ શું છે. આંતરરાષ્ટ્રીય પુરૂષ દિવસની ઉજવણી ક્યારે અને શા માટે શરૂ થઈ, જાણો આ દિવસનું મહત્વ અને થીમ.
આંતરરાષ્ટ્રીય પુરૂષ દિવસ ક્યારે ઉજવવામાં આવે છે?
આંતરરાષ્ટ્રીય પુરૂષ દિવસ દર વર્ષે 19 નવેમ્બરના રોજ ઉજવવામાં આવે છે. 60 થી વધુ દેશો પુરુષ દિવસ ઉજવે છે. આ પ્રસંગે અનેક પ્રકારના જાગૃતિ કાર્યક્રમોનું પણ આયોજન કરવામાં આવે છે.
પ્રથમ વખત આંતરરાષ્ટ્રીય પુરૂષ દિવસ ક્યારે ઉજવવામાં આવ્યો?
1923માં સૌપ્રથમ વખત મેન્સ ડે ઉજવવાની માંગ ઉઠી હતી. આંતરરાષ્ટ્રીય મહિલા દિવસની તર્જ પર, 23 ફેબ્રુઆરીએ વિશ્વભરમાં પુરૂષ દિવસની ઉજવણી કરવાની માંગ કરવામાં આવી હતી. આ માટે અમેરિકા, ઓસ્ટ્રેલિયા અને માલ્ટાના સંગઠનોને આમંત્રિત કરવામાં આવ્યા હતા. ઓસ્ટરે બે વર્ષ સુધી પુરુષ દિવસ ઈવેન્ટ્સનું આયોજન કર્યું. 1995 સુધી, બહુ ઓછી સંસ્થાઓ આ ઇવેન્ટનો ભાગ બની હતી. પરિણામે કાર્યક્રમ અટકાવી દેવામાં આવ્યો હતો.
આંતરરાષ્ટ્રીય પુરૂષ દિવસનો ઇતિહાસ
ડો. જેરોમ તિલક સિંઘ, ત્રિનિદાદ અને ટોબેગોમાં વેસ્ટ ઈન્ડિઝની યુનિવર્સિટીમાં ઈતિહાસના પ્રોફેસર, 1999માં પ્રથમ વખત 19 નવેમ્બરના રોજ પુરુષ દિવસની ઉજવણી કરી હતી. પ્રોફેસરે તેમના પિતાના જન્મદિવસ નિમિત્તે આ દિવસની ઉજવણી કરી હતી. તેમણે લોકોને પુરુષોના મુદ્દા ઉઠાવવા માટે પ્રોત્સાહિત કર્યા. 19 નવેમ્બર 2007ના રોજ પ્રથમ વખત આંતરરાષ્ટ્રીય પુરૂષ દિવસની ઉજવણી કરવામાં આવી હતી.
આંતરરાષ્ટ્રીય પુરૂષ દિવસ 2024 ની થીમ
આંતરરાષ્ટ્રીય પુરૂષ દિવસ દર વર્ષે એક વિશેષ થીમના આધારે ઉજવવામાં આવે છે. આ વર્ષે આંતરરાષ્ટ્રીય પુરૂષ દિવસ 2024 ની થીમ “મેન્સ હેલ્થ ચેમ્પિયન્સ” છે. આ થીમ છોકરાઓ અને પુરુષોના સ્વાસ્થ્યને સુધારવા પર ધ્યાન કેન્દ્રિત કરે છે.
