અંકલેશ્વર સ્ટેટ હાઇવે પર હાંસોટ નજીક આજે વહેલી સવારે ભાવનગરના પરિવારને એક ગમખ્વાર નડ્યો હતો. તેમાં 3 લોકોના મોત નિપજ્યા હતા. તેમજ પ્રાથમિક તબક્કે જાણવા મળ્યું છે કે કારચાલકને ઝોકું આવી જતાં અકસ્માત સર્જાયો હતો. જોકે પોલીસે ગુનો નોંધી વધુ તપાસ હાથ ધરી છે.
મળતી માહિતી મુજબ, અંકલેશ્વર-સુરત સ્ટેટ હાઇવે પર હાંસોટ નજીક ભાવનગરનો પરિવાર સુરત જઇ રહ્યો હતો. તે દરમિયાન કાર ચાલકને ઝોંકુ આવી જતાં કાર ધડકાભેર ઝાડ સાથે ટકરાતા અકસ્માત સર્જાયો હતો. આ અકસ્માતમાં 2 લોકોના ઘટનાસ્થળે જ મોત નિપજ્યા છે. જ્યારે અન્ય એક વ્યક્તિને ઇજા પહોંચાતાં હોસ્પિટલ ખાતે ખસેડવામાં આવ્યો હતો. ત્યાં સારવાર દરમિયાન તેનું મોત નિપજ્યું હતું. આ સાથે આ અકસ્માતમાં કુલ 3 લોકોના મોત નિપજ્યા હતા.
અકસ્માતની જાણ થતાં પોલીસનો કાફલો દોડી આવ્યો હતો અને અકસ્માતમાં ભોગ બનેલા લોકોને ભરૂચ સિવિલ હોસ્પિટલ ખાતે ખસેડવામાં આવ્યા હતા. જ્યાં મૃતદેહોને પોસ્ટમોર્ટમ કરવાની તજવીજ હાથ ધરવામાં આવી હતી. પોલીસે અકસ્માતનો ગુનો નોંધી વધુ તપાસ હાથ ધરી છે. જોકે પ્રાથમિક તબક્કે અનુમાન લગાવવામાં આવી રહ્યું છે કે કાર ચાલકને ઝોંકુ આવી જતાં અકસ્માત સર્જાયો હતો.
મૃતદેહોને PM માટે ભરૂચ સિવિલ હોસ્પિટલ મોકલાયા
કાર અકસ્માત થતાં જ સ્થાનિક લોકો અને પોલીસ ઘટના સ્થળે પહોંચી ગયા હતા. પ્રાથમિક તપાસ કરતા બે લોકોના ઘટના સ્થળે જ મોત નીપજ્યા હતા. જ્યારે ગંભીર રીતે ઘાયલ એક વ્યક્તિને સારવાર માટે હોસ્પિટલ ખસેડવામાં આવી હતી. જેનું હોસ્પિટલે સારવાર દરમિયાન મોત નીપજ્યું હતું. પોસ્ટમોર્ટમ માટે મૃતદેહોને ભરૂચ સિવિલ હોસ્પિટલ મોકલવામાં આવ્યા છે. આ અંગે પોલીસે પ્રાથમિક કાર્યવાહી હાથધરી છે.
