નિર્દેશક અમર કૌશિકની ફિલ્મ મહાવતારમાં વિકી કૌશલ ભગવાન ચિરંજીવી પરશુરામના રોલમાં જોવા મળશે. ફિલ્મનું પહેલું પોસ્ટર રિલીઝ થઈ ગયું છે, જેમાં વિકીના લુકના ખૂબ વખાણ થઈ રહ્યા છે.
ફિલ્મનો પહેલો લૂક
મહાવતાર ફિલ્મ યોદ્ધા ચિરંજીવી પરશુરામની વાર્તા છે. ફિલ્મમાં વિકી કૌશલ ભગવાન પરશુરામના રોલમાં જોવા મળશે. આ ફિલ્મનું નિર્દેશન અમર કૌશિક કરશે. ફિલ્મના પોસ્ટર અને ટીઝરની સાથે ડિરેક્ટર-નિમતાએ ફિલ્મ ‘મહાવતાર’ની રિલીઝ ડેટ પણ જાહેર કરી છે.
મેડોક ફિલ્મ્સ-વિકી કૌશલની સોશિયલ પોસ્ટ
મેડૉક ફિલ્મ્સ અને વિકી કૌશલ બંનેએ તેમના સોશિયલ મીડિયા હેન્ડલ ઇન્સ્ટાગ્રામ પર આગામી ફિલ્મ મહાવતારનો ફર્સ્ટ લૂક રિલીઝ કર્યો છે, જેને વિકી કૌશલની અત્યાર સુધીની ફિલ્મોમાં સૌથી આકર્ષક અને અદ્ભુત લુક કહેવામાં આવી રહ્યો છે. ઈન્સ્ટાગ્રામ પર આ લુક શેર કરતા મેડૉક ફિલ્મ્સે લખ્યું, “દિનેશ વિજન ધર્મના શાશ્વત યોદ્ધાની વાર્તાને જીવંત કરશે.” તેમાં આગળ લખ્યું, “અમર કૌશિક દ્વારા નિર્દેશિત #મહાવતારમાં વિકી કૌશલ ચિરંજીવી પરશુરામની ભૂમિકા ભજવશે. વર્ષ 2026માં નાતાલના અવસર પર સિનેમાઘરોમાં રિલીઝ થશે.
વિકીનો ધાંશુ દેખાવ
આ ફિલ્મમાં વિક્કી કૌશલના લુકની વાત કરીએ તો તેનો લુક ખૂબ જ શાનદાર અને આકર્ષક છે. વિકીએ તેના હાથમાં પરશુનું હથિયાર પકડ્યું છે અને તેના વાળ ખુલ્લા છે. એક યોદ્ધા તરીકે વિકીનો આ અદ્ભુત લુક ચાહકોને ખરેખર પસંદ આવી રહ્યો છે.
પરશુરામ
મહાભારત અને વિષ્ણુપુરાણ અનુસાર, પરશુરામનું મૂળ નામ રામ હતું, પરંતુ જ્યારે ભગવાન શિવે તેમને પરશુ નામનું શસ્ત્ર આપ્યું ત્યારે તેમનું નામ પરશુરામ થઈ ગયું.
