- અયોધ્યા ફાર્મ હાઉસ સામે વાહન ચાલકે બાઈકને અડફેટે લેતાં બે યુવકો થયા ઘાયલ
- કાળા કલરની થાર સાથે એક શખ્સને ઝડપી પાડી પોલીસે કાયદેસરની કાર્યવાહી હાથ ધરી
- પોલીસે GJ18 EB 0066 નંબરની થાર મોટરકાર કરી હતી જપ્ત
કેશોદના માંગરોળ રોડ પર અયોધ્યા ફાર્મ હાઉસ સામે એક અજાણ્યાં વાહન ચાલકે બાઈકને અડફેટે લેતાં બે યુવકો ઘવાયાં હતાં, જેની જુનાગઢ સારવાર ચાલી રહી છે. તેમજ પોલીસે કાળા કલરની થાર સાથે એક શખ્સને ઝડપી પાડી ધોરણસર કાર્યવાહી હાથ ધરી છે. ત્યારબાદ પોલીસ તપાસમાં અજાણી કારની ઓળખ થતાં પોલીસે GJ18 EB 0066 નંબર થાર મોટરકાર જપ્ત કરી હતી અને તેના ચાલક નદિમ મહિડાની ધરપકડ કરી તેમના વિરૂધ્ધ આગળની ધોરણસર કાર્યવાહી હાથ ધરી છે.
આ અંગે અનુસાર માહિતી મુજબ શનિવારની સમી સાંજે માંગરોળ રોડ પર શહેર તરફ જતી એક અજાણી કારે સામે આવતી એક બાઈકને અડફેટે લેતાં બે યુવકો ઘવાયાં હતાં. આ બંને યુવકોને ગંભીર ઇજા પહોંચતાં કેશોદ બાદ જુનાગઢ ખસેડાતાં હતાં, જયાં તેમની સારવાર ચાલી રહી છે. ત્યારે પોલીસે અજાણ્યાં કાર ચાલક વિરૂદ્ધ બેફિકરાઈથી કારને રોંગ સાઇડમાં પૂરપાટ દોડાવવી અકસ્માત સર્જવા BNS 281, 125(a), 125(b) મોટર વાહન અધિનિયમ 177, 184, 134 મુજબ ગુન્હોં નોંધી તપાસ હાથ ધરી હતી.
આ દરમિયાન આ ઘટનામાં પોલીસ તપાસમાં અજાણી કારની ઓળખ થતાં પોલીસે GJ18 EB 0066 નંબર થાર મોટરકાર જપ્ત કરી હતી અને તેના ચાલક નદિમ મહિડાની ધરપકડ કરી તેમના વિરૂધ્ધ આગળની ધોરણસર કાર્યવાહી હાથ ધરી છે.
જય વિરાણી
