ટુવાલ એ ઘરમાં વપરાતી ખૂબ જ સામાન્ય અને જરૂરી વસ્તુ છે. તેમજ હાથનો રૂમાલ હોય કે મોટો ટુવાલ, તેની સ્વચ્છતા જાળવવી ખૂબ જ જરૂરી છે. ત્યારે અહી કેટલીક એવી સરળ ટિપ્સ આપવામાં આવી છે, જેના થકી તમે તમારા ટુવાલમાં રહેલો મેલ કે ડાઘ આસાનીથી દૂર કરી શકશો.
ટુવાલ જો સમય-સમય પર સાફ કરવામાં ન આવે તો તેમાં ગંદકી જામી જાય છે અને તેમાંથી દુર્ગંધ પણ આવવા લાગે છે. તો જાણો અહીં કેટલીક સરળ ટિપ્સ…. જેની મદદથી તમે તમારા ઘરના ટુવાલને એકદમ સાફ અને નવા જેવા રાખી શકો છો.
ટુવાલને મશીનમાં ધોતા પહેલા તેને થોડી વાર ગરમ પાણીમાં પલાળી રાખો, તેનાથી ગંદકી ઝડપથી દૂર થઈ જાય છે. તેમજ જો ટુવાલ સફેદ હોય તો તમે બ્લીચનો ઉપયોગ કરી શકો છો, ચમક અકબંધ રહે છે, પરંતુ જો ટુવાલ રંગીન હોય તો માત્ર કલર-સેફ બ્લીચનો ઉપયોગ કરો.
જો ટુવાલમાંથી દુર્ગંધ આવતી હોય તો ગરમ પાણીમાં થોડો વિનેગર નાખીને તેમાં ટુવાલ પલાળી દો. તેનાથી દુર્ગંધ દૂર થશે અને ટુવાલ સાફ થઈ જશે. જેથી તમારો ટુવાલ એક દમ નવા જેવો થઈ જશે.
જો ટુવાલ પર ડાઘ હોય તો તેના પર ખાવાનો સોડા છાંટીને હળવા હાથે ઘસો, ત્યારપછી તેને પાણીથી સાફ કરો. આ સિવાય ફેબ્રિક સોફ્ટનરનો ઉપયોગ સુગંધિત અને નરમ ટુવાલ માટે કરી શકાય છે. આ સિવાય ટુવાલને થોડા સમય માટે સૂર્યપ્રકાશમાં રાખો.
જો તમે ટુવાલને સાફ કરવા માટે ડિટર્જન્ટનો ઉપયોગ કરી રહ્યાં છો, તો તેને પાણીથી સારી રીતે સાફ કરો કારણ કે જો ડિટર્જન્ટ રહી જાય તો ટુવાલ કડક થઈ શકે છે.
